សារព័ត៌មាន នគរវត្ត តែងតែនាំមុខគេជានិច្ច
ខ្សែការពារកណ្តាល Ben Davies របស់ក្រុមហង្សក្រហម Liverpool បានយល់ព្រមលើកិច្ចព្រមព្រៀងខ្ចីជើងរយៈពេល១រដូវកាលជាមួយក្រុម Sheffield United។ នេះបើយោងតាមការចេញផ្សាយរបស់ BBC Sport នៅព្រឹកថ្ងៃទី១៧ សីហានេះ។
Ben Davies មានវ័យ២៦ឆ្នាំមិនទាន់បានបង្ហាញខ្លួនឱ្យក្រុមហង្សក្រហមនៅឡើយទេ បន្ទាប់ពីការផ្លាស់ប្តូរថ្ងៃផុតកំណត់ផ្ទេររបស់គាត់ពីក្លិប Preston កាលពីខែកុម្ភៈ។
កីឡាកររូបនេះនឹងក្លាយជាសមាជិករបស់ក្រុម Sheffield United ក្រោមការដឹកនាំរបស់លោក Slavisa Jokanovic ជាលើកដំបូងចាប់តាំងពីបានចូលកាន់តំណែងនៅកីឡដ្ឋាន Bramall Lane ។
Ben Davies បាននិយាយថា “ខ្ញុំពិតជារីករាយណាស់ដែលបានមកទីនេះ។ ខ្ញុំតែងតែចូលចិត្តលេងជាមួយក្រុម Sheffield United និងបរិយាកាសដ៏ល្អ។ សង្ឃឹមថាខ្ញុំអាចបំពេញតាមផែនការរបស់អ្នកចាត់ការបានល្អ។ ខ្ញុំខកខានថ្ងៃប្រកួតនិងការភ្ញាក់ផ្អើលដែលមានអ្នកគាំទ្រនៅទីលាន នោះគឺជាផ្នែកមួយនៃការរំភើបដែលបានមកទីនេះហើយសង្ឃឹមថាមានឆ្នាំជោគជ័យ” ។ការខ្ចីជើងនេះនឹងមានជម្រើសសម្រាប់ពង្រឹងក្រុម Sheffield Unitedដែលត្រូវបានកាត់ចេញពីក្របខ័ណ្ឌ Premier League កាលពីរដូវកាលមុនដើម្បីឲ្យមានភាពប្រសើរឡើងវិញក្នុងការនាំក្លិបនេះទៅកាន់លីគកំពូលអង់គ្លេសវិញ ៕
ដោយ៖ ភារៈ(រូបភាព ៖ BBC Sport)
