សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរងរបួសបាក់ជេីងម្ខាងត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗបន្ទាប់ពីជិះម៉ូតូលឿនមិនប្រយ័ត្នទៅជ្រុលបុកឡំប្រ៊ឺតាពីក្រោយពេញទំហឹងធ្វើឱ្យឡំប្រឺតាក្រឡាប់ផ្ងារជេីង កាលពីវេលាម៉ោង១និង៣០នាទីរសៀលថ្ងៃទី១៩ ខែសីហា ឆ្នាំ២០២១នៅចំណុចភ្លើងស្តុបជម្ពូវ័ន តាមបណ្តោយផ្លូវជាតិលេខ៤ ក្នុងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញបុរសម្នាក់បេីកឡំប្រឺតា ពណ៌ស ពាក់ស្លាកលេខភ្នំពេញ1GS-6198 តាមបណ្តោយផ្លូវជាតិលេខ៤ក្នុងទិសដៅពីលិចទៅកេីត ខណៈបើកមកដល់ចំណុចកេីតហេតុស្រាប់តែមានបុរសម្នាក់ជិះម៉ូតូម៉ាកPCX ពណ៌ស ពាក់ស្លាកលេខភ្នំពេញ1HP-5440 ធ្វេីដំណេីរមកពីក្រោយក្នុងល្បឿនលឿនមិនប្រយ័ត្នក៏ជ្រុលទៅបុកឡំប្រឺតាពេញទំហឹងបណ្តាលឱ្យឡំប្រឺតាក្រឡាប់ផ្ងារជេីង ចំណែកម្ចាស់ម៉ូតូរបួសបាក់ជេីងខាងស្តាំ ។
ក្រោយកេីតហេតុជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗ បន្ទាប់មកមានបងប្អូនភាគីខាងម៉ូតូមកសម្របសម្រួលដោយបញ្ចប់រឿងនៅនឹងកន្លែងកេីតហេតុ ចេញថ្លៃជួសជុលការខូចខាតរៀងៗខ្លួន៕
ដោយ៖ សុខា សែនជ័យ
