ព័ត៌មានទាន់ហេតុការណ៍៖

នាយកដ្ឋាន​ប្រឆាំង​បទល្មើស​បច្ចេកវិទ្យា​ Zoom បានបន្ថែមមុខងារដែលអាចសម្គាល់កាយវិការមួយចំនួនសម្រាប់អ្នកប្រើប្រាស់ iPad

ចែករំលែក៖

ភ្នំពេញ​៖​ បើ​តាមការបញ្ជាក់ពី​នាយកដ្ឋាន​ប្រឆាំង​បទល្មើស​បច្ចេកវិទ្យា​ នៃអគ្គស្នងការដ្ឋាននគរបាលជាតិ​ បានឱ្យដឹងនៅព្រឹកថ្ងៃទី២៦​ ខែសីហា​ ឆ្នាំ​២០២១នេះថា៖ Zoom បានបន្ថែមមុខងារដែលអាចសម្គាល់កាយវិការមួយចំនួនសម្រាប់អ្នកប្រើប្រាស់ iPad។ 

ប្រភពដដែល​ បានបន្ថែមទៀតថា​ ដោយសារតែជំងឺកូវីដ-១៩​នៅតែបន្តរីករាលដាលនៅជុំវិញពិភពលោក ក្រុមហ៊ុនភាគច្រើនបានបន្តឱ្យបុគ្គលិកពួកគេធ្វើការងារពីចម្ងាយ។ ដូច្នេះក្រុមហ៊ុនបង្កើតកម្មវិធី video conferencing តែងតែព្យាយាមបន្ថែមមុខងារថ្មីៗដើម្បីទាក់ទាញអ្នកប្រើប្រាស់។

ជាឧទាហរណ៍ កាលពីម្សិលមិញនេះ ក្រុមហ៊ុន Zoom បានធ្វើបច្ចុប្បន្នភាពកម្មវិធី ដើម្បីបន្ថែមមុខងារថ្មីៗមួយចំនួន ដែលក្នុងនោះពួកគេក៏បានបន្ថែមមុខងារដែលអាចសម្គាល់កាយវិការមានដូចជា លើកដៃ (Raise Hand) និងឱ្យមេដៃ (Thumbs Up) សម្រាប់អ្នកប្រើប្រាស់ iPad។ 

បន្ថែមពីនេះ​ នៅពេលដែលលោកអ្នកលើកដៃ កម្មវិធីនឹងបង្ហាញរូបសញ្ញា ‘លើកដៃ’ នៅក្នុងរូបភាពវីដេអូរបស់លោកអ្នក ដែលជាសញ្ញាប្រាប់ទៅអ្នកគ្រប់គ្រងកិច្ចប្រជុំថាលោកអ្នកមានសំណួរ៕

ដោយ​៖សហការី​


ចែករំលែក៖