សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោក ហេង រតនា ប្រតិភូរាជរដ្ឋាភិបាលទទួលបន្ទុក ជាអគ្គនាយក សុីម៉ាក នៅរសៀលថ្ងៃទី៣០ ខែសីហា ឆ្នាំ២០២១ លោកបានបញ្ចេញនូវទស្សនៈដែលសំដៅទៅលើ បក្សប្រឆាំង ទណ្ឌិតសមរង្ស៊ី ជាមនុស្សដែលមានចរិកភូតភរច្រើនចុងក្រោយគឺចាញ់អាត្មាតែម្ដង។
លោកបានសំណេរលើហ្វេសប៊ុកផ្លូវការថា, នឹកស្មានថា “មានយុទ្ធសាស្ត្រនយោបាយដឹកនាំប្រឆាំងដ៍ឧត្តុង្គឧត្តមថ្លៃថ្លា ដឹងអីស្មេីគ្នាជាមួយល្បិចកលក្មេងគង្វាលចៀមហ្នឹង! ពាក្យចាស់បុរាណពោលថា “ភូតភរច្រេីនចាញ់អាត្មា! “។
រឿងក្មេង គង្វាលចៀម៖
ថ្ងៃមួយពេលគាត់អង្គុយមើលសត្វចៀមនៅក្នុងព្រៃធំស្ងាត់នោះ ហើយគាត់កំពុងតែគិតពីអ្វីដែលគាត់គួរធ្វើដើម្បីឱ្យខ្លួនគាត់សប្បាយចិត្តនៅពេលនេះ គាត់គួរតែធ្វើជាឃើញសត្វចចកមួយសិន គាត់បានគិតពីផែនការធ្វើឱ្យខ្លួនឯងរីករាយ។ ពីព្រោះមេរបស់គាត់បានប្រាប់គាត់ថាពេលឃើញមានរឿងអ្វីឬសត្វព្រៃចង់សុីចៀមរបស់គាត់ អោយក្មេងប្រុសគង្វាលនេះ ស្រែកហៅរកជំនួយពីអ្នកភូមិប្រសិន បើចចកវាយប្រហារហ្វូងចៀមរបស់គាត់ ហើយអ្នកភូមិនិងអាចជួយដេញវាចេញ។ ដូច្នេះឥឡូវនេះទោះបីជាគាត់មិនបានឃើញអ្វីឬសត្វអ្វីក៏ដោយក៏ គាត់ធ្វើជាដូចឃើញចចកច្រើនថានិងសុីហ្វូងចៀមរបស់គាត់ទោះមិនមែនដោយ គាត់បានរត់ឆ្ពោះទៅភូមិយ៉ាងលឿនត្រហេបត្រហបដោយស្រែកនៅខាងលើខ្យល់នៃសម្លេងរបស់គាត់ថា“ ចចក! ចចក!” “ជួយផង!” “ជួយផង!
ដូចអ្វីដែលគាត់បានរំពឹងទុកពិតមែន អ្នកភូមិដែលបានលឺសម្លេងក្មេងគង្វាលស្រែកយំ ក៏បានបោះ បង់ចោលការងាររបស់ពួកគេ ហើយបានរត់ទៅរកក្មេងគង្វាលនោះដែលបានស្រែកហៅរកជំនួយពីអ្នកភូមិ ដើម្បីជួយដេញហ្វូងចចកចេញកុំឱ្យសុីហ្វូងចៀមរបស់គាត់។ ប៉ុន្តែនៅពេលពួកគេទៅដល់ទីនោះពួកគេបានឃើញថាក្មេងប្រុសនោះមានការ សើចទ្វេដងជាមួយនិងសំណើចល្បិចលេងសើចរបស់ខ្លួន ដែលគាត់បានលេងលើពួកគេ ពីរបីថ្ងៃក្រោយមកក្មេងប្រុសឃ្វាលចៀមនេះបានស្រែកហៅរកជំនួយពីអ្នកភូមិម្ដងទៀតថា “ចចក! ចចក!” ជាថ្មីម្តងទៀតអ្នកភូមិបានរត់មកជួយគាត់តែត្រូវបានក្មេងគង្វាលនេះសើចចំអកលេងម្តងទៀត។
បន្ទាប់មកនៅល្ងាចមួយពេលព្រះអាទិត្យលិចបាត់ នៅខាងក្រោយព្រៃស្ងាត់នោះ ហើយក្មេងគង្វាលនោះក៏ស្រាប់តែឃើញស្រមោលបានលូនចេញពីក្នុងព្រៃ សត្វចចកជាច្រើនបានចេញមកប្រម៉ាញ់ស៊ីហ្វូងចៀមពិតមែនស្របពេលមេឃកំពុងតែធ្លាក់ភ្លៀងផងដែរ។ដោយភិតភ័យក្មេងប្រុសនោះបានរត់សំដៅមកភូមិដោយស្រែកថា “ចចក! ចចក!” ប៉ុន្តែទោះបីជាអ្នកភូមិបានលឺសម្លេងយំស្រែករបស់ក្មេងនោះក៏ដោយក៏ពួកគេមិនបានរត់ទៅជួយគាត់ដូចកាលពីមុនទៀតដែរ។ ពួកគេក៏ឆ្លើយថា៖”ខ្ញុំមិនចាញ់បោកបញ្ឆោតឯងទៀតទេ!” ពេលនោះហ្វូងចចកបានខាំសម្លាប់ចៀមឈ្មោលជាច្រើនហើយបន្ទាប់មកពួកវាក៏ខាំអូសចៀមទាំងនោះចូលទៅសុីក្នុងព្រៃអស់បាត់ទៅ។
“នេះជាខ្លឹមសារអប់រំមួយ”
សីលធម៌៖ ប្រសិនបើអ្នកនិយាយកុហកគ្មាននរណាម្នាក់និងជឿអ្នកទៀតទេ ទោះបីអ្នកកំពុងនិយាយការពិតក៏ដោយ។ សូមកុំកុហកឬនិយាយលេងច្រើនពេកគេអាចនិងមិនជឿអ្នក ទោះអ្នកនិយាយការពិតក៏ដោយ ព្រោះអ្នកមិនបែងចែកការលេងសើចនិងពេលវេលាឲ្យបានត្រឹមត្រូវ សូមនិយាយការពិតជានិច្ច៕
ដោយ ៖ សិលា
