សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បេីករថយន្តឡង់គ្រីស័រយ៉ាងលឿនមិនប្រយ័ត្នបានជ្រុលទៅបុករថយន្តតូរីសដឹកអីវ៉ាន់ពីក្រោយពេញទំហឹង បណ្ដាលឲ្យរងការខូចខាតទាំងសងខាងយ៉ាងដំណំ ។ ហេតុការណ៍នេះដែរបានកេីតឡេីងកាលពីវេលាម៉ោង៩ និង៣០នាទីព្រឹក ថ្ងៃទី៧ ខែកញ្ញា ឆ្នាំ២០២១ នៅចំណុចស្តុប៦០ម៉ែត្រ តាមបណ្ដោយផ្លូវ៦០ម៉ែត្រ កែងផ្លូវ៥០ម៉ែត្រ ក្នុងសង្កាត់ជេីងឯក ខណ្ឌដង្កោ រាជធានីភ្នំពេញ ។
តាមសម្ដីបុរសម្នាក់ជាភាគីរងគ្រោះខាងរថយន្តតូរីស ពណ៌ស ពាក់ស្លាកលេខភ្នំពេញ 2T-5090 បានបង្ហេីបប្រាប់ថា រូបគេបេីករថយន្តដឹកអីវ៉ាន់ចេញពីម្ដុំស្ពានអាកាស៧មករា បំណងទៅដាក់ឲ្យភ្ញៀវនៅកោះធំ (ខេត្តកណ្ដាល) និងបានធ្វេីដំណេីរតាមបណ្ដោយផ្លូវ៦០ម៉ែត្រ ទិសដៅពីជេីងទៅត្បូង ខណៈមកដល់ចំណុចកេីតហេតុស្រាប់តែរថយន្តបង្កម៉ាក ឡង់គ្រីស័រ ពណ៌ខ្មៅ ពាក់ស្លាកលេខភ្នំពេញ 2I -3068 ធ្វេីដំណេីរមកតាមក្រោយបុកគូទរថយន្តតូរីសរបស់គាត់ពេញទំហឹងបណ្ដាលឲ្យរងការខូចខាតទាំងសងខាងយ៉ាងដំណំ តែក្នុងហេតុការណ៍គ្រោះថ្នាក់ចរាចរណ៍នេះមិនបណ្ដាលឲ្យមនុស្សណាម្នាក់រងរបួសនោះទេ ។
ក្រោយកេីតហេតុភ្លាមៗ ភាគីបង្ករថយន្តឡង់គ្រីស័រក៏បានសម្របសម្រួលជាមួយភាគីរថយន្តតូរីសផងដែរ ដោយព្រមយករថយន្តទៅជួសជុលឲ្យស្អាតដូចដេីម ដេីម្បីបញ្ចប់រឿង និងមិនចង់រំខានដល់សមត្ថកិច្ចមូលដ្ឋានឡេីយ ៕
ដោយ ៖ ភារ៉ា ដង្កោ
