សារព័ត៌មាន នគរវត្ត តែងតែនាំមុខគេជានិច្ច
បន្ទាប់ពីរដូវក្តៅដ៏លំបាកមួយសម្រាប់ក្រុម Barcelona ដោយសារតែស្ថានភាពហិរញ្ញវត្ថុរបស់ពួកគេមានភាពលំបាក កីឡាករវ័យចំណាស់ជាច្រើនបានយល់ព្រមកាត់បន្ថយប្រាក់ឈ្នួល ដោយមានកីឡាករ Gerard Pique, Jordi Alba និង Sergio Busquets ជាអ្នកប្រកាសកាត់ប្រាក់ឈ្នួលដំបូងគេ។
ចាប់តាំងពីអ្នកទាំង៣បានព្រមព្រៀងគ្នា កីឡាករ Sergi Roberto ក៏បានចរចារកាត់បន្ថយប្រាក់ឈ្នួលថ្មី ហើយកីឡាករ Samuel Umtiti គឺជាអ្នកចុងក្រោយដែលត្រូវធ្វើតាម។ ខ្សែការពារកណ្តាលសញ្ជាតិបារាំងរូបនេះបានដឹងច្បាស់ពីស្ថានភាពរបស់ក្លិប ហើយបានទទួលយកលក្ខខណ្ឌដែលគាត់កំពុងកាត់បន្ថយ។
ក្នុងនាមជាកីឡាករម្នាក់ដែលមានប្រាក់ឈ្នួលខ្ពស់បំផុតនៅក្នុងក្លិប វាគ្រាន់តែជាបញ្ហាមួយប៉ុណ្ណោះមុនពេលដែលក្រុម Barcelona បានសុំឱ្យ Umtiti កាត់បន្ថយប្រាក់ឈ្នួលរបស់គាត់។
ថ្វីបើមិនមានការពេញចិត្តនៅក្លិបក្នុងរយៈពេលប៉ុន្មានឆ្នាំចុងក្រោយនេះក៏ដូចជារងរបួសជាច្រើនក៏ដោយ ក៏ Umtiti ចង់បង្ហាញថា គាត់ចង់ប្រយុទ្ធដើម្បីទទួលបានជម្រើសដំបូង ហើយឥឡូវនេះនឹងព្យាយាមកាត់បន្ថយប្រាក់ឈ្នួល។
កីឡាករវ័យ២៧ឆ្នាំរូបនេះខកខានការប្រកួតសរុប២៥ប្រកួតក្នុងរដូវកាល២០២០-២០២១ របស់ Barcelona ហើយជាមួយនឹងកិច្ចសន្យារហូតដល់ខែមិថុនា ឆ្នាំ២០២៣ គាត់មានអារម្មណ៍ថា មានបរិយាកាសនៅឯទឹកដី Camp Nou ម្តងទៀត។
រដូវកាលនេះកីឡាករ Eric Garcia និង Gerard Pique ត្រៀមខ្លួនជាខ្សែការពារកណ្តាលដូច្នេះ Umtiti, Ronald Araujo, Oscar Minguezaនិង Clement Lenglet នឹងត្រូវតតាំងគ្នាដើម្បីប្រជែងយកដំណែងមួយក្នុងជម្រើសដំបូងរបស់ក្លិប ដែលសុទ្ធសឹងជាត្រូវកាត់ប្រាក់ឈ្នួលផងដែរ ៕
ដោយ៖ ភារៈ(រូបភាព ៖ MARCA)
