សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ប្រុសស្រី២នាក់បានរងរបួសធ្ងន់ ហេីយត្រូវបានរថយន្តសាមុយដឹកបញ្ចូនទៅសង្គ្រោះភ្លាមៗ បន្ទាប់ពីបេីកឡំប្រឺតាដឹកគ្នាតាមផ្លូវត្រូវរថយន្ត តូយ៉ូតាព្រូស បុកពីមុខពេញទំហឹង បង្កការភ្ញាក់ផ្អេីលដល់ប្រជាពលរដ្ឋកាលពីវេលាម៉ោង៩ និង៣០នាទីយប់ ថ្ងៃទី១០ ខែកញ្ញា ឆ្នាំ២០២១ ស្ថិតនៅចំងាយពីនគរបាលប៉ុស្ដិ៍រដ្ឋបាលទឹកល្អក់២ ប្រហែល១០០ម៉ែត្រ តាមបណ្ដោយផ្លូវ២៥៣ ក្នុងសង្កាត់ទឹកល្អក់២ ខណ្ឌទួលគោក រាជធានីភ្នំពេញ ។
តាមប្រភពព័ត៌មានពីប្រជាពលរដ្ឋដែលរស់នៅក្បែរកន្លែងកេីតហេតុបានឲ្យដឹងថា មុនពេលកេីតហេតុនោះ គេឃេីញ ឡំប្រឺតា (ហៅPassApp)ពណ៌ស ពាក់ស្លាកលេខភ្នំពេញ 1IH-4535 បេីកបរដោយបុរសម្នាក់ និងដឹកស្ត្រីម្នាក់ ធ្វេីដំណេីរតាមបណ្ដោយផ្លូវ២៥៣ ទិសដៅពីត្បូងទៅជេីងក្នុងល្បឿនល្មម ខណៈមកដល់ចំណុចកេីតហេតុស្រាប់តែមានបុរសម្នាក់បេីករថយន្តមួយគ្រឿងម៉ាកតូយ៉ូតាព្រូស ពណ៌ស ពាក់ស្លាកលេខភ្នំពេញ 2BH-3635 បានធ្វេីដំណេីរបញ្ច្រាសទិសគ្នាក្នុងល្បឿនលឿនល្មម បានបុកជាមួយឡំប្រឺតាពីមុខពេញទំហឹង បណ្ដាលឲ្យឡំប្រឺតាខ្ទាតទៅបុកបង្គោលភ្លេីងថែមទៀតរងការខូចខាតយ៉ាងដំណំ ព្រមទាំងធ្វេីឲ្យប្រុសស្រី២នាក់ភាគីខាងឡំប្រឺតារងរបួសធ្ងន់ ។ រីឯរថយន្តបង្កក៏រងការខូចខាតផ្នែកខាងមុខចំហៀងខាងឆ្វេងយ៉ាងដំណំផងដែរ ។
ក្រោយកេីតហេតុភ្លាមៗ ជនរងគ្រោះ២នាក់ដែលរងរបួសធ្ងន់ត្រូវបានរថយន្តសាមុយដឹកបញ្ចូនទៅកាន់មន្ទីរពេទ្យ ។ បន្ទាប់មកសមត្ថកិច្ចមូលដ្ឋានបានចុះមកដល់ ហេីយសហការជាមួយសមត្ថកិច្ចជំនាញចរាចរណ៍ខណ្ឌទួលគោក ដេីម្បីធ្វេីការវាស់វែងយករថយន្ត និងឡំប្រឺតា ទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយតាមច្បាប់ ៕
ដោយ ៖ ភារ៉ា ដង្កោ
