សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ប្រេីប្រាស់គ្រឿងញៀនរហូតវង្វេងស្មារតីបេីករថយន្តរត់តាក់ស៊ីជ្រុលបុកផ្ទះប្រជាពលរដ្ឋលក់គ្រឿងសង្ហារឹមបណ្តាលឱ្យរងការខូចខាតហេីយព្យាយាមបេីកគេចខ្លួនត្រូវបានសមត្ថកិច្ចដេញឃាត់ជាប់ ។
ហេតុការណ៍នេះបានកេីតឡេីងកាលពីវេលាម៉ោង១១និង៣០នាទីព្រឹកថ្ងៃទី១១ ខែកញ្ញា ឆ្នាំ២០២១ នៅមុខបុរីញូថោន ភូមិអូឌឹម សង្កាត់ចោមចៅទី៣ ខណ្ឌពោធិ៍សែនជ័យ ។
ប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុ គេបានឃេីញបុរសម្នាក់បើករថយន្តម៉ាកសាំយ៉ុងពណ៌ខៀវ ពាក់ស្លាកលេខ កំពង់ស្ពឺ 2A 5432 រេពេញផ្លូវហេីយបានជ្រុលបុកផ្ទះលក់គ្រឿងសង្ហារឹមមួយកន្លែងបណ្តាលឱ្យរងការខូចខាតយ៉ាងដំណំ ភ្លាមនោះរថយន្តបង្កបានព្យាយាមបេីករត់រហូតមកដល់ផ្លូវស្តុបកប់ស្រូវ ទេីបកម្លាំងសមត្ថកិច្ចដេញឃាត់បានភ្លាមៗតែម្តង។
ក្រោយឃាត់ខ្លួនបានសមត្ថកិច្ចឆែកឆេរកក្នុងរថយន្តឃេីញឧបករណ៍សម្រាប់ប្រេីប្រាស់គ្រឿងញៀនមួយចំនួន។
បច្ចុប្បន្នជនសង្ស័យ សមត្ថកិច្ចកំពុងធ្វេីការឃាត់ខ្លួននៅប៉ុស្តិ៍រដ្ឋបាលនគរបាលចោមចៅទី៣បណ្ដោះអាសន្ន នឹងបញ្ជូនទៅអធិការដ្ឋាននគរបាលខណ្ឌពោធិ៍សែនជ័យ រង់ចាំការដោះស្រាយតាមនីតិវិធីច្បាប់៕
ដោយ៖សុខាសែនជ័យ
