សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ បុរសម្នាក់បានស្លាប់ដោយគ្រោះថ្នាក់ចរាចរណ៍ ម៉ូតូនិងម៉ូតូបុកប៉ះគ្នា វេលាម៉ោង១០៖៣០នាទីព្រឹក ថ្ងៃទី១៣ ខែកញ្ញា ឆ្នាំ២០២១ លេីផ្លូវជាតិលេខ៤ ចន្លោះគីឡូម៉ែត្រលេខ១២៤-១២៥ ក្នុងភូមិក្រាំងអាត់ ឃុំកំពង់សីលា ស្រុកកំពង់សីលា ខេត្តព្រះសីហនុ។ សមត្ថកិច្ចបញ្ជាក់ថា គ្រោះថ្នាក់ចរាចរណ៍នេះកេីតឡេីង រវាងម៉ូតូ ០១គ្រឿងម៉ាកHONDA BEAT ពណ៌ស ក្រហម (គ្មានស្លាកលេខ) បេីកបរដោយបុរសម្នាក់ឈ្មោះ ខឹម ស្រណោះ ភេទប្រុស អាយុ២១ឆ្នាំ មានទីលំនៅភូមិព្រៃរមៀង ឃុំទួលសាលា ស្រុកបសេដ្ឋ ខេត្តកំពង់ស្ពឺ មុខរបរ កម្មកររោងចក្រ ទិសដៅពីភ្នំពេញ-ខេត្តព្រះសីហនុ បានបុកប៉ះនឹងម៉ូតូ០១គ្រឿងទៀត ម៉ាកគុប ពណ៌ទឹកប៊ិច ពាក់ស្លាកលេខ កំពង់ស្ពឺ ១E.៩៣៨៨ ដែលបត់ឆ្លងផ្លូវ ទៅខាងធ្វេងដៃ(ទិសដៅស្របគ្នា) ជិះម្នាក់ឯងបេីកបរដោយឈ្មោះ ជិន ណូ ភេទប្រុស អាយុ៦២ឆ្នាំ មានទីលំនៅភូមិឃុំកេីតហេតុ មុខរបរចាំចម្ការបណ្តាលឲ្យភាគីម៉ូតូគុប ឈ្មោះ ជិន ណូ ស្លាប់ភ្លាមៗនៅហ្នឹងកន្លែងកេីតហេតុ។
ក្រោយកើតហេតុ ឈ្មោះ ខឹម ស្រណោះ ភាគីម៉ូតូHonda ត្រូវបានសមត្ថកិច្ចនាំខ្លួនមកកាន់អធិការនគរបាលស្រុកកំពង់សីលាដេីម្បីអនុវត្តន៍តាមនីតិវិធី ៕
ដោយ៖ឆ្លាម សមុទ្រ
