សារព័ត៌មាន នគរវត្ត តែងតែនាំមុខគេជានិច្ច
អ្នកចាត់ការទូទៅក្លិបបិសាចក្រហមលោក Ole Gunnar Solskjaer បាននិយាយថា ខ្សែការពាររបស់ក្រុមបិសាចក្រហម Manchester United កីឡាករ Phil Jones បានត្រឡប់មកជួយក្រុមវិញក្នុងការប្រកួត League Cup កាលពីរាត្រីថ្ងៃពុធទល់នឹងក្រុម West Ham United បន្ទាប់ពីមានបញ្ហារបួសរយៈពេល២០ខែ ប៉ុន្តែកីឡាកររូបនេះនៅតែស្ថិតក្នុងកៅអីបម្រុងដដែល។
កីឡាករ Phil Jones មិនបានលេងឱ្យក្លិបទេ ចាប់តាំងពីស៊ុតបញ្ចូលទីក្នុងជ័យជម្នះនៅកម្មវិធី FA Cup របស់ពួកគេលើក្រុម Tranmere Rovers កាលពីខែមករា ឆ្នាំ២០២០ ដោយសារតែបញ្ហាជង្គង់ធ្ងន់ធ្ងរដែលគាត់បានទទួលការវះកាត់កាលពីរដូវក្តៅមុន។
លោក Solskjaer បានប្រាប់គេហទំព័ររបស់ក្លិបថា “ខ្ញុំពិតជារីករាយណាស់សម្រាប់ Phil Jones ។ នៅថ្ងៃទី២២ ខកញ្ញា ឆ្នាំ២០២១ គាត់បានបញ្ចប់ការប្រកួតចំនួន៩០នាទីពីរដងសម្រាប់ក្រុមអាយុក្រោម២៣ឆ្នាំលេង២-៣នាទីនៅពីក្រោយទ្វារបិទ ហើយគាត់មិនមានប្រតិកម្មអ្វីចំពោះជង្គង់របស់គាត់ទេ គាត់ពិតជាបានធ្វើការយ៉ាងខ្លាំង”។
លោកបានបន្តថា “គាត់នឹងស្ថិតនៅក្នុងក្រុម វាជាថ្ងៃដ៏ល្អសម្រាប់គាត់ និងសម្រាប់យើង ហើយវាគឺជាអ្វីដែលគាត់ទទួលបាន។ ខ្ញុំដឹងថាគាត់បានឆ្លងកាត់ឧបសគ្គអ្វីខ្លះដោយស្មារតីល្អ និងគិតថាគាត់នឹងលេងបាល់ទាត់ម្តងទៀត ឬក៏អាចដើរម្តងទៀតនិងអាចលេងជាមួយក្មេងៗមុនពេលបង្ហាញខ្លួនក្នុងក្រុមយើង”។
កីឡាករអន្តរជាតិអង់គ្លេស Phil Jones ដែលបានលេងជាង២០០ប្រកួតនៅក្នុងការប្រកួតទាំងអស់សម្រាប់ក្លិបបិសាចក្រហមបាននិយាយកាលពីចុងសប្តាហ៍មុនថា គាត់បានឆ្លងកាត់នរក និងភាពខ្មៅងងឹត ខណៈដែលគាត់តស៊ូជាមួយនឹងរបួស។
ខ្សែបម្រើ Jesse Lingard ដែលរកបានគ្រាប់បាល់ជ័យជម្នះចុងម៉ោងនៅចុងសប្តាហ៍ចុងក្រោយជ័យជម្នះ ២-១ នៅ Premier League ជាមួយក្រុមWest Ham បានចាប់ផ្តើមនៅក្នុងការប្រកួតកាលពីថ្ងៃពុធ ខណៈដែលខ្សែការពារ Alex Telles បានចូលរួមផងដែរនៅពេលដែលគាត់ត្រឡប់មកវិញបន្ទាប់ពីជាសះស្បើយពីរបួសកជើង។
សូមបញ្ជាក់ថា ក្រុមបិសាចក្រហម Manchester United បានចាញ់ក្រុម West Ham ក្នុងលទ្ធផល១ទល់០ ក្នុងការប្រកួតវគ្គជម្រុះពានរង្វាន់ League Cup ដែលក្រុមនេះធ្លាប់យកឈ្នះម្តង កាលពីប្រកួតក្របខ័ណ្ឌ Premier League កាលពីថ្ងៃទីអាទិត្យសប្តាហ៍មុនក្នុងលទ្ធផល២ទល់១ ៕
ដោយ៖ ភារៈ(រូបភាព ៖ BBC Sport)
