សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោក ដួងតារា រដ្ឋលេខាធិការទីស្តីការគណៈរដ្ឋមន្ត្រី និងជាជំនួយការផ្ទាល់សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅល្ងាចថ្ងៃទី២៣ ខែកញ្ញា ឆ្នាំ២០២១ បានថ្លែងយ៉ាងដូច្នេះថា, សូម្បីពិធីបុណ្យចូលឆ្នាំថ្មីកន្លងមកក៏ត្រូវបានផ្អាកព្រោះដេីម្បីចៀសវាងការជួបជុំមនុស្សច្រេីនដែលអាចបណ្តាលអោយឆ្លងជំងឺកូវីដ-១៩ ជាពិសស កូវីដដែលតា( Delta) ដែលកំពុងឆ្លងរាតត្បាតយ៉ាងសាហាវ។
លោកបន្តថា, ក្នុងរដូវបុណ្យភ្ជុំបិណ្ឌ គឺស្ទេីរតែទាំងអស់នៃពុទ្ធសាសនិកជន ជាពិសេសលោកយាយ លោកតា ដែលមានអាយុចាស់ៗគឺផ្តោតទៅលេីការធ្វេីបុណ្យនៅវត្ត។ ស្របគ្នានេះដែរ កម្មករសំណង់ និងកម្មករ កម្មការិនីរោងចក្រភាគច្រេីនក៏ត្រូវសម្រាកពីការងារទៅជួបជុំក្រុមគ្រួសារធ្វេីបុណ្យទានជាមួយគ្នានៅតាមបណ្តាខេត្តដែលមានហានិភ័យខ្ពស់ខ្លាំងណាស់។
លោករដ្ឋលេខាធិការបានលើកឡើងថា, ចំពោះខ្ញុំគិតថាសុខភាពអាយុជីវិតគឺសំខាន់ខ្លាំងណាស់។ បេីមិនបានជួយការពារអាយុជីវិតអ្នកដទៃ សូមកុំយកជំងឺទៅចម្លងអោយគេ។ បេីមិនច្បាស់ថាទីនោះគ្មានឬមានមេរោគឆ្លងកូវីដ-១៩ សូមកុំប្រថុយនឹងជំងឺដែលយេីងមេីលមិនឃេីញ។
ទោះបីយេីងមិនបានយកម្ហូបអាហារទៅប្រគេនព្រះសង្ឃឬទៅបោះបាយបិណ្ឌដោយផ្ទាល់ ប៉ុន្តែក៏យេីងអាចយកជាបច្ច័យផ្សេងៗទៅប្រគេនជូនវត្តបានដោយអនុវត្តន៍តាមវិធានការណែនាំរបស់ក្រសួងសុខាភិបាល។
យើងចូលរួមកសាងអំពើល្អ ចែករំលែកក្តីស្រឡាញ់និងស្នាមញញឹម និងសូមមានចិត្តអាណិតស្រឡាញ់ពលរដ្ឋយើងគ្រប់ទីកន្លែងដោយគ្មានការរើសអើង៕
ដោយ ៖ សិលា
