ព័ត៌មានទាន់ហេតុការណ៍៖

សម្តេចតេជោ ហ៊ុន សែន “ខ្ញុំសូមលើកដៃសំពះអង្វរ សូមមេត្តាយោគយល់នូវការលំបាករបស់ជាតិ ត្រូវជៀសឲ្យឆ្ងាយពីការចម្លងជំងឺកូវីដ-១៩ ដើម្បីសេចក្តីសុខផ្ទាល់ខ្លួន គ្រួសារនីមួយៗ និងសង្គមជាតិទាំងមូល”

ចែករំលែក៖

ភ្នំពេញ៖ សម្តេចតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីសេចក្តីសុខរបស់ប្រជាពលរដ្ឋបានរួចផុតពីជំងឺដ៏កាចសាហាវកូវីដ-១៩ សម្តេចសូមលើកដៃសំពះអង្វរ នឹងមានប្រសាសន៍ថា, ខ្ញុំសូមចំពោះអង្វរករចំពោះព្រះតេជគុណ ព្រះសង្ឃគ្រប់ព្រះអង្គ និងបងប្អូនជនរួមជាតិ សូមមេត្តាយោគយល់ការលំបាករបស់ជាតិ ។

សម្តេចតេជោ ហ៊ុនសែន បានមានប្រសាសន៍ទៀតថា, ,ការលំបាករបស់ជាតិដែលខ្ញុំលើកដៃសំពះ អង្វរករ មិនមែនដើម្បីរូបខ្ញុំទេ ដើម្បីសេចក្តីសុខរបស់បងប្អូនផ្ទាល់តែម្តង ៣កុំ ៣ការពារ កុំធ្វើដំណើរដោយ ទៅក្រៅដោយមិនពាក់ម៉ាស កុំទៅទីកន្លែងដែលមានមនុស្សច្រើន ហើយសូមអង្វរកឲ្យធ្វើការរៀបចំទទួលទេវតាតាមផ្ទះ។ សម្តេចបន្តថា, មិនមែនដើម្បីខ្ញុំទេ គឺដើម្បីបងប្អូន ព្រោះគ្មាននរណាឈឺជំនួសបងប្អូនទេ បើបងប្អូនមិនគិតដល់ការនៅហត់របស់ក្រុមគ្រូពេទ្យ គិតដល់ការនឿយហត់របស់អាជ្ញាធរ គិតដល់ការនឿយហត់របស់ក្រុមគ្រួសារ ត្រូវគិតពីខ្លួនឯង ព្រោះគ្មាននរណាឈឺជួសខ្លួនឯងនោះទេ ។

សូមបញ្ជាក់ថា, ថ្ងៃទី២៤ ខែកញ្ញា​ ឆ្នាំ២០២១​ កម្ពុជាយេីងរកឃេីញករណីជំងឺកូវីដ-១៩​ សរុបចំនួន​ ៨២២នាក់​ (ឆ្លងសហគមន៍​:​ ​​៧១៦ និង​ នាំចូល:​ ១០៦) និងមានជាសះស្បេីយ​ ៤៩៤នាក់ ។ ដូច្នេះចំនួនករណីជំងឺកូវីដ-១៩សរុប​កេីន​ ១០៧៤៤១នាក់​​​​​​​​​​​​​​ និងចំនួនជាសះស្បេីយសរុប​កេីន ៩៩៦២៨នាក់​​​​​​​​​​​​​​​​​ និង ស្លាប់ថ្មី​ ២១នាក់​ សរុប​ស្លាប់ ២១៩៧នាក់ ។ សូមបន្តអនុវត្តន៍​:​ ៣កុំ​ ៣ការពារ​ និងចាក់វ៉ាក់សាំងការពារ​ ។ 

សូមបញ្ជាក់ថា​ ប្រទេសយេីងរកឃេីញករណីជំងឺកូវីដ-១៩ដំបូងបំផុតនៅថ្ងៃទី​ ២៧​ មករា​ ២០២០​ ។ 

យេីងបានធ្វេីតេស្តចំនួន​ 2382457 ស្មេីនឹង​ 140227  ក្នុង១លាន នាក់​ ។ 

ព័ត៌មានបន្ថែមសូមទាក់ទងលេខ​ 115៕

ដោយ៖ សុខ ខេមរា


ចែករំលែក៖