សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មានករណីគ្រោះថ្នាក់ចរាចរណ៍មួយរវាងរថយន្តម៉ាក Toyota Prius បានបុកជាមួយរថយន្តស៊េរីទំនេីបម៉ាក BMW នៅផ្លូវបំបែកជាបួនបណ្ដាលឲ្យរងការខូចខាតយ៉ាងដំណំទាំងសងខាង កាលពីវេលាម៉ោង១០និង២០នាទីយប់ ថ្ងៃទី៧ ខែតុលា ឆ្នាំ២០២១ ត្រង់ចំណុចក្បែរគល់ស្ពានឥន្ធនូនៃទីក្រុងកោះពេជ្រ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
យោងតាមប្រភពព័ត៌មានពីកន្លែងកេីតហេតុបានឲ្យដឹងថា មុនកេីតហេតុនោះគឺ គេឃេីញរថយន្តស៊េរីទំនេីបម៉ាក BMW ពណ៌ស ពាក់ស្លាកលេខភ្នំពេញ 2BG-8722 ធ្វេីដណេីរទិសដៅពីជេីងមកត្បូងក្នុងល្បឿនលឿនល្មម ខណៈមកដល់ផ្លូវបំបែកជាបួនជាកន្លែងកេីតហេតុក៏ស្រាប់តែមានរថយន្តម៉ាក Toyota Prius ពណ៌ទឹកមាស ពាក់ស្លាកលេខភ្នំពេញ 2AX-7298 ធ្វេីដំណេីរចុះពីស្ពានឥន្ធនូទិសដៅពីលិចមកកេីតក្នុងល្បឿនលឿន ហេីយក៏បុករថយន្តBMWចំពីចំហៀងខាងស្ដាំផ្នែកខាងមុខយ៉ាងពេញទំហឹង បណ្ដាលឲ្យរថយន្តទាំងសងខាងរងការខូចខាតយ៉ាងដំណំ សំណាងល្អដែរក្នុងករណីគ្រោះថ្នាក់ចរាចរណ៍នេះមិនបង្កគ្រោះថ្នាក់ដល់មនុស្ស ។
ក្រោយកេីតហេតុ ភាគីទាំងសងខាងបានធ្វេីការចចារគ្នាទាំងនិយាយយកតែត្រូវរៀងៗខ្លួន ទេីបសមត្ថកិច្ចមូលដ្ឋានសហការជាមួយជំនាញចរាចរណ៍ខណ្ឌចំការមន ចុះធ្វេីការសម្របសម្រួល ដោយភាគីរថយន្តPrius ព្រមទទួលកំហុសហេីយយករថយន្តBMWទៅជួសជុលឲ្យស្អាតដូចដេីមវិញដេីម្បីបញ្ចប់រឿង ៕
ដោយ ៖ ភារ៉ា ដង្កោ
