សារព័ត៌មាន នគរវត្ត តែងតែនាំមុខគេជានិច្ច
តាមទិន្នន័យផ្កាយរណបរបស់មជ្ឈមណ្ឌលស្រាវជ្រាវអវកាសជាតិប្រេស៊ីល INPE បានប្រកាសឱ្យដឹងថា ព្រៃឈើអាម៉ាហ្សូនប្រមាណ ៩៨៥គីឡូម៉ែត្រក្រឡា ត្រូវបានកាប់បំផ្លាញនៅក្នុងខែកញ្ញា ឆ្នាំ២០២១ គឺកើនឡើង២% បើប្រៀបធៀបនឹងដំណាក់កាលដូចគ្នានៅក្នុងឆ្នាំ២០២០។
ក្នុងរយៈពេល៩ខែដើមឆ្នាំ២០២១ ប្រេស៊ីលបានបាត់បង់ព្រៃឈើអាម៉ាហ្សូនរហូតដល់ទៅ ៧០១១គីឡូម៉ែត្រក្រឡា ។ មានប្រសាសន៍នៅថ្ងៃទី៨ខែតុលា អនុប្រធានាធិបតីប្រេស៊ីល លោក Hamilton Mourao បានលើកឡើងថា រដ្ឋាភិបាលកំពុងតែសកម្មក្នុងការទប់ស្កាត់ការកាប់បំផ្លាញព្រៃឈើ។
លោក Mourao បានប្រកាសថា «ការកាប់ព្រៃឈើបានថយចុះ៥%ក្នុងរយៈពេលពីខែសីហាឆ្នាំ២០២០ ដល់ខែកក្កដា ឆ្នាំ២០២១»។ ក្នុងរយៈពេល១០ឆ្នាំចុងក្រោយនេះ ប្រេស៊ីលមានការកាប់បំផ្លាញព្រៃឈើកើនឡើងខ្ពស់។ ក្រុមការពារបរិស្ថានបានឱ្យដឹងថា ដោយសារតែរដ្ឋាភិបាលរបស់ប្រធានាធិបតី Bolsonaro មិនមានវិធានការទប់ស្កាត់ទើបការកាប់បំផ្លាញព្រៃឈើកើតឡើងគ្រប់ទិសទី៕ ដោយ៖ធីរីណា
ប្រភពរូបថត៖Reuters
រូបថត៖AP
