សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ ៖ នៅថ្ងៃទី១១ ខែតុលា ឆ្នាំ២០២១ វេលាម៉ោង២២ និង០០នាទី ដោយមានការចង្អុលបង្ហាញពីលោកឧត្តមសេនីយ៍ទោ លន់ សុផាត ស្នងការនគរបាលខេត្តក្រចេះ កម្លាំងនគរបាលព្រហ្មទណ្ឌ សហការជាមួយកម្លាំងអធិការដ្ឋាននគរបាលស្រុកស្នួល ដឹកនាំដោយលោក វរសេនីយ៍ឯក គុណ សុភ័ណ្ឌ ស្នងការរងទទួលផែនការងារនគរបាលព្រហ្មទណ្ឌ និងសម្របសម្រួលនីតិវិធីដោយលោក រ៉ា បូរ៉ាន់ឌី ព្រះរាជអាជ្ញារងអមសាលាដំបូងខេត្តក្រចេះ បានចុះធ្វេីការបង្ក្រាប ករណីបើកបនល្បែង និងលេង ល្បែងស៉ីសងខុសច្បាប់ (បៀរម៉ាជាំង) ០១កន្លែងនៅចំណុចរវៀងជ័យ ភូមិថ្នល់ ឃុំស្វាយជ្រះ ស្រុកស្នួល ខេត្តក្រចេះ ។
សូមបញ្ជាក់ថា, ក្នុងប្រតិបត្តិការនេះ កម្លាំងសមត្ថកិច្ចបានឃាត់ខ្លួនជនជាតិចិនចំនួន៧នាក់ ក្នុងនោះមានស្រី០១នាក់ ព្រមទាំងចាប់យកវត្ថុតាង តុម៉ាស៉ីនចែកបៀរ និងបៀរ(ម៉ាជាំង)មួយចំនួន។
បច្ចុប្បន្នសមត្ថកិច្ចកំពុងធ្វើកំណត់ហេតុស្តាប់ចម្លើយ តាមនីតិវិធីដើម្បីកសាងសំណុំរឿងបញ្ជូនទៅសាលាដំបូងខេត្ត៕
ដោយ ៖ សិលា
