សារព័ត៌មាន នគរវត្ត តែងតែនាំមុខគេជានិច្ច
កីឡាករវាយតឺន្នីស Andy Murray របស់ចក្រភពអង់គ្លេសបានធ្លាក់ចេញក្នុងជុំទីពីរនៃព្រឹត្តិការណ៍ European Open ក្នុងទីក្រុង Antwerp ក្រោមស្នាដៃកីឡាករលេខ ១៤ ពិភពលោក Diego Schwartzman។
កីឡាករអាហ្សង់ទីនវ័យ ២៩ ឆ្នាំរូបនេះបានយកឈ្នះដើម្បីយកឈុតដំបូងមុនពេលឈ្នះការប្រកួតដ៏តឹងតែងក្នុងលើកទី២ដើម្បីឆ្លងកាត់ក្នុងលទ្ធផល6-4 7-6 (8-6) ។
Murray ដែលបានឈ្នះព្រឹត្តិការណ៍នេះក្នុងឆ្នាំ២០១៩ ត្រឹមតែ៩ខែបន្ទាប់ពីការវះកាត់កែឆ្អឹងត្រគាកដែលបានយកឈ្នះ Frances Tiafoe ក្នុងការប្រកួតជុំទីមួយដ៏គួរឱ្យរំភើបដើម្បីបង្កើតការជួបលើកដំបូងជាមួយ Schwartzman ។
អតីតកីឡាករលេខមួយរបស់អង់គ្លេសបានស្តីបន្ទោសពីអាកប្បកិរិយាមិនល្អសម្រាប់ការបរាជ័យរបស់គាត់។ Murray បាននិយាយថា“ខ្ញុំមិនបានធ្វើការសំរេចចិត្តបានល្អដូចដែលខ្ញុំចូលចិត្តនៅក្នុងសិតទី២ដើម្បីដោះស្រាយភាពលំបាកនោះទេ។ ផ្លូវចិត្តខ្ញុំអន់ ហើយអាកប្បកិរិយារបស់ខ្ញុំមិនល្អនៅក្នុងទីលានប្រកួត វាជារឿងពីរដែលអ្នកអាចគ្រប់គ្រងបាន វានឹងធ្វើឱ្យការសម្រេចចិត្តកាន់តែពិបាកក្នុងការប្រកួត”។
កីឡាករវ័យ៣៤ឆ្នាំរូបនេះគ្រោងនឹងប្រកួតក្នុងព្រឹត្តិការណ៍ Erste Bank Open នៅទីក្រុងវីយែននៅសប្តាហ៍ក្រោយ មុនពេលប្រកួតក្នុងព្រឹត្តិការណ៍ Stockholm Open ក្នុងខែវិច្ឆិកា។
ចំណែកកីឡាករ Schwartzman បានពោរពេញដោយការគោរពចំពោះ Murray នៅក្នុងការអត្ថាធិប្បាយក្រោយការប្រកួតរបស់គាត់។
កីឡាករអាហ្សង់ទីនដែលបានឈានដល់វគ្គផ្តាច់ព្រ័ត្រនៅទីក្រុង Antwerp ក្នុងឆ្នាំ២០១៦ និង២០១៧បាននិយាយថា “វាពិតជារីករាយក្នុងការលេងជាមួយ Andy។ យើងមិនបានលេងពីមុនទេ ហើយគាត់នឹងត្រឡប់មកវិញ រាល់សប្តាហ៍ដែលគាត់លេងបានល្អ។ ខ្ញុំមានការគោរពច្រើន ពីព្រោះនៅពេលខ្ញុំធំឡើងលេងកីឡាវាយតឺន្នីស ខ្ញុំបានមើល Roger Federer, Rafael Nadal, Andy Murray និង Novak Djokovic ហើយឥឡូវនេះការលេងជាមួយគាត់គឺជាសេចក្តីរីករាយសម្រាប់ខ្ញុំ” ៕
ដោយ៖ ភារៈ(រូបភាព ៖ BBC Sport)
