សារព័ត៌មាន នគរវត្ត តែងតែនាំមុខគេជានិច្ច
ក្លិបអេស្ប៉ាញបាននិយាយកាលពីថ្ងៃអង្គារថា ខ្សែប្រយុទ្ធរបស់ក្លិប Barcelona កីឡាករ Sergio Aguero ត្រូវបានច្រានចោលរយៈពេល៣ខែបន្ទាប់ពីការវាយតម្លៃជំងឺបេះដូង។
កីឡាករអន្តរជាតិអាហ្សង់ទីនរូបនេះបានទទួលជំនួយផ្នែកវេជ្ជសាស្រ្តនៅលើទីលានបន្ទាប់ពីគាត់បានត្អូញត្អែរពីការឈឺទ្រូងអំឡុងពេលប្រកួតស្មើ ១-១ កាលពីថ្ងៃសៅរ៍ជាមួយក្រុម Alaves នៅ La Liga ហើយត្រូវបញ្ជូនទៅមន្ទីរពេទ្យភ្លាមៗ ហើយក្លិបបានអះអាងថា ឥឡូវនេះគាត់ប្រឈមមុខនឹងអវត្តមានដ៏យូរ។
ក្លិប Barcelona បាននិយាយនៅក្នុងសេចក្តីថ្លែងការណ៍មួយថា “Agueroត្រូវបានទទួលរងនូវដំណើរការវិនិច្ឆ័យ និងព្យាបាលដោយវេជ្ជបណ្ឌិត។គាត់មិនអាចរកបានសម្រាប់ការជ្រើសរើសទេ ហើយក្នុងរយៈពេល៣ខែខាងមុខ ប្រសិទ្ធភាពនៃការព្យាបាលនឹងត្រូវបានវាយតម្លៃដើម្បីកំណត់ដំណើរការជាសះស្បើយរបស់គាត់”។
កីឡាករវ័យ៣៣ឆ្នាំរូបនេះបានចូលរួមជាមួយក្លិប Barcelona ដោយមិនគិតថ្លៃផ្ទេរពីក្លិប Manchester City ក្នុងខែកក្កដាកន្លងទៅ។ មកទល់ពេលនេះគាត់បានបង្ហាញខ្លួនចំនួន៥ដងក្នុងការប្រកួតទាំងអស់ ដោយស៊ុតបញ្ចូលទីបាន១គ្រាប់ បន្ទាប់ពីចាប់ផ្តើមរដូវកាលជាមួយនឹងបញ្ហារបួសកំភួនជើង។
លោក Sergi Barjuan អ្នកចាត់ការទូទៅរបស់ក្លិប Barcelona បាននិយាយថា “ខ្ញុំបាននិយាយជាមួយគាត់ហើយគាត់ស្ងប់ស្ងាត់។ គាត់ត្រូវបានបង្ខាំងនៅក្នុងបន្ទប់របស់គាត់ ប៉ុន្តែស្ថានភាពគាត់មានភាពស្ងប់ស្ងាត់និងមានបញ្ហាចុងទ្រូង ដែលអាចជាជំងឺបេះដូងរបស់គាត់”។
គួររំលឹកថា ក្លិប Barcelona ដែលបានបណ្តេញអ្នកចាត់ការលោកRonald Koeman កាលពីសប្តាហ៍មុនបន្ទាប់ពីការចាញ់នៅក្របខ័ណ្ឌ La Liga ក្រោមស្នាដៃក្រុម Rayo Vallecano។ ក្រុមអ្នកមានបុណ្យ Barcelona បានប្រកួតជាមួយក្រុមម្ចាស់ផ្ទះ Dynamo Kyiv ក្នុងក្របខ័ណ្ឌ Champions League កាលពីថ្ងៃអង្គារដោយយកឈ្នះក្នុងលទ្ធផល ១ទល់០ ដែលធ្វើឲ្យក្រុមនេះឡើងឈរលេខ២ក្នុងពូល E ៕
ដោយ៖ ភារៈ(រូបភាព ៖ Reuters)
