សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ហេតុការណ៍គ្រោះថ្នាក់ចរាចរណ៍បង្កឡេីងដោយរថយន្តចំនួនបីគ្រឿងបានបុកតកន្ទុយគ្នាបណ្តាលឱ្យរងការខូចខាតនិងបង្កការកកស្ទះចរាចរាចរណ៍យ៉ាងខ្លាំងផងដែរ។
ហេតុការណ៍នេះបានកេីតឡេីងកាលពីវេលាម៉ោង៤និង៣០នាទីរសៀល ថ្ងៃទី១០ ខែវិច្ឆិកា ឆ្នាំ២០២១ នៅចំណុចមុខច្រកចូលវត្តពោធិ៍ តាមបណ្តោយមហាវិថីឈ្នះឈ្នះ ស្ថិតក្នុងភូមិស្រែជេះ សង្កាត់សំរោងក្រោម ខណ្ឌពោធិ៍សែនជ័យ ។
រថយន្តទាំង៣គ្រឿងទី១ ម៉ាកFord Ranger ពណ៌ស ពាក់ស្លាកលេខភ្នំពេញ2 BM.2044 ទី២ រថយន្តម៉ាកព្រូស ពណ៌ស ពាក់ស្លាកលេខភ្នំពេញ2BH.0417. និងទី៣ រថយន្តម៉ាកឡិចស៊ីស RX330 ពណ៌ស ពាក់ស្លាកលេខភ្នំពេញ2AG.5129 ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេឃេីញរថយន្តទាំង៣គ្រឿងធ្វេីដំណេីរស្របទិសគ្នាក្នុងទិសដៅពីត្បូងទៅជេីងខណៈមកដល់ចំណុចកេីតហេតុស្រាប់តែរថយន្តឡិចស៊ីសRX330ដែលបេីកខាងក្រោយគេបុករថយន្តព្រូសធ្វេីឱ្យរថយន្តព្រូសបន្តទៅបុករថយន្តម៉ាកFord ពីក្រោយទៀតបណ្តាលឱ្យរងការខូចខាតផងដែរតែមិនមានមនុស្សរងរបួសនោះទេ និងបង្កឱ្យមានការកកស្ទះចរាចរណ៍យ៉ាងខ្លាំង។
ក្រោយកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុគូសវាសហេីយឱ្យម្ចាស់បេីកចេញទៅធ្វេីការសម្របសម្រួលគ្នានៅប៉ុស្តិ៍នគរបាលរដ្ឋបាលសំរោងក្រោម៕
ដោយ៖សុខាសែនជ័យ
