សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បេីករថយន្ត Toyota Tundra យ៉ាងលឿន ហេីយជ្រុលទៅបុករថយន្តហុីយ៉ាន់ដាយពីក្រោយពេញទំហឹងបណ្ដាលឲ្យរងការខូចខាតទាំងសងខាង កាលពីវេលាម៉ោង៩ និង១០នាទីយប់ ថ្ងៃទី១០ ខែវិច្ឆិកា ឆ្នាំ២០២១ នៅតាមបណ្ដោយផ្លូវបេតុងព្រៃស ស្ថិតក្នុងសង្កាត់ព្រៃវែង ខណ្ឌដង្កោ រាជធានីភ្នំពេញ ។
យោងតាមប្រភពព័ត៌មានពីកន្លែងកេីតហេតុបានឱ្យដឹងថា មុនកេីតហេតុគឺ រថយន្តម៉ាកហុីយ៉ាន់ដាយ ពណ៌ស ពាក់ស្លាកលេខភ្នំពេញ 3F-5587 បានបេីកចេញពីឃ្លាំងមកផ្លូវបេតុងព្រៃសបានបន្តិច ស្រាប់តែមានរថយន្តម៉ាក Toyota Tundra ពណ៌ស ពាក់ស្លាកលេខភ្នំពេញ 2BL-2245 បេីកបរដោយបុរសម្នាក់ធ្វេីដំណេីរតាមបណ្ដោយផ្លូវបេតុងព្រៃសពីលិទៅកេីតក្នុងល្បឿនលឿន និងមិនប្រយ័ត្នក៏បានជ្រុលទៅបុករថយន្តហុីយ៉ាន់ដាយពីក្រោយពេញទំហឹង បណ្ដាលឱ្យរថយន្តTundra រងការខូចខាតផ្នែកខាងមុខយ៉ាងខ្លាំង រីឯរថយន្តហុីយ៉ាន់ដាយខូចខាតតិចតួច តែក្នុងករណីគ្រោះថ្នាក់ចរាចរណ៍នេះមិនធ្វេីឱ្យនរណាម្នាក់រងរបួសនោះទេ ។
ក្រោយកើតហេតុ ភាគីទាំងសងខាងបានចុះមកនិយាយចរចាគ្នាដែរតែពួកគាត់ជជែកយកតែត្រូវរៀងៗខ្លួន ទេីបសមត្ថកិច្ចមូលដ្ឋានទាក់ទងទៅផ្នែកជំនាញចរាចរណ៍ខណ្ឌដង្កោមកធ្វេីការវាស់វែងយករថយន្តទាំងពីរគ្រឿងខាងលេីទៅរក្សាទុកនៅអធិការដ្ឋាននគរបាលខណ្ឌដង្កោ រង់ចាំដោះស្រាយគ្នានាពេលក្រោយ ៕
ដោយ ៖ ភារ៉ា ដង្កោ
