សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ផ្ទះប្រជាពលរដ្ឋមួយខ្នងត្រូវបានអគ្គិភ័យឆាបឆេះយ៉ាងសន្ធោសន្ធៅបង្កការភ្ញាក់ផ្អេីលដល់បងប្អូនប្រជាពលរដ្ឋនិងសម្ថកិច្ចហៅក្រុមរថយន្តពន្លត់អគ្គិភ័យចុះមកអន្តរាគមន៍ កាលពីវេលាម៉ោង៦និង៣០នាទីល្ងាច ថ្ងៃទី១៤ ខែវិច្ឆិកា ឆ្នាំ២០២១ នៅចំណុចផ្ទះលេខ៥៦៦ ផ្លូវ៦០K ភូមិតាងួនទី២ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ
ម្ចាស់ទីតាំងឈ្មោះ ទេព បូរី ភេទស្រី អាយុ ៤៥ឆ្នាំ មុខរបរ គ្រូទាយ។ ផ្ទះខាងលេីប្រភេទថ្មបេតុង ទំហំ ៥ម៉ែត្រ x ២០ម៉ែត្រ ខូចខាតសម្ភារៈកង្ហារ ៣គ្រឿង, ពូកចំនួន២ ។
តាមប្រភពព័ត៌មានពីបងប្អូនប្រជាពលរដ្ឋបានឱ្យដឹងថា មុនពេលកេីតហេតុគេបានឃេីញមានផ្សែងហុយចេញពីបង្អួចបន្ទប់ផ្នែកខាងក្រោយផ្ទះនៃជាប់ទី២ ភ្លាមនោះក៏មានការភ្ញាក់ផ្អេីលទេីបរាយការណ៍ទៅសមត្ថកិច្ចមូលដ្ឋានហៅរថយន្តពន្លត់អគ្គិភ័យមកអន្តរាគមន៍ភ្លាមៗ។
ជុំវិញករណីគ្រោះអគ្គិភ័យខាងលេីសមត្ថកិច្ចប្រេីប្រាស់រថយន្តពន្លត់អគ្គិភ័យការិយាល័យពន្លត់និងបង្ការគ្រោះអគ្គិភ័យរបស់ស្នងការនគរបាលរាជធានីភ្នំពេញចំនួន៣គ្រឿង គ្រោះអគ្គិភ័យក៏រលត់ទៅវិញ ដោយមិនរាលដាល់ដល់ផ្ទះបងប្អូនប្រជាពលរដ្ឋដែលនៅក្បែរនោះទេ និងមិនបង្កឱ្យមនុស្សរងរបួសដែរ ខូចខាតសម្ភារៈមួយចំនួនតែប៉ុណ្ណោះ។
សមត្ថកិច្ចជំនាញបានបញ្ជាក់ថាគ្រោះអគ្គិភ័យខាងលេីបណ្តាលមកពីឆ្លងចរន្តអគ្គិសនី៕
ដោយ៖សុខាសែនជ័យ
