សារព័ត៌មាន នគរវត្ត តែងតែនាំមុខគេជានិច្ច
ខេត្តកំពត ៖ លោក ម៉ៅ ធនិន អភិបាលនៃគណៈអភិបាលខេត្តកំពត មិនអនុគ្រោះដាច់ខាតក្រុមរំលោភយកដីរដ្ឋ លោកក៏ជាអភិបាលគំរូដោះស្រាយវិវាទដីធ្លី មានប្រសិទ្ធភាព ក្រៅប្រព័ន្ធតុលាការផងដែរ។
ជាក់ស្តែង កម្លាំងអាជ្ញាធរខេត្ត ដឹកនាំដោយលោក សេង សិរីបុត្រ អភិបាលរងខេត្ត និងលោក នាក់ សុវណ្ណារី អភិបាលស្រុកទឹកឈូ ដែលរួមមាន កងរាជអាវុធហត្ថ និងនគរបាលខេត្ត ដោយមានការសម្របសម្រួលនីតិវិធីពីសំណសំណាក លោកព្រះរាជអាជ្ញា នៃអយ្យការអមសាលាដំបូងខេត្ត កាលពីព្រឹកថ្ងៃទី១៣ ខែធ្នូ ឆ្នាំ២០២១ បាននាំយកគ្រឿងចក្រអេស្កាវ៉ាទ័រចំនួន៣គ្រឿងទៅវាយកកម្ទេច របងបេតុងដ៏រឹងមាំចំនួន៣កន្លែងផ្សេងៗគ្នា នៅតាមបណ្ដោយមាត់ព្រែកស្ពានក្បាលរមាស ស្ថិតក្នុងភូមិត្រពាំងធំ ឃុំជុំគ្រៀល ស្រុកទឹកឈូ ខេត្តកំពត។
ការអនុវត្តវិធានការរដ្ឋបាលនេះ មានការគាំទ្រពីមជ្ឈដ្ឋានប្រជា ពលរដ្ឋទូទៅ មន្ត្រីរាជការ កងកម្លាំងប្រដាប់អាវុធ ។
សូមបញ្ជាក់ថា, លោក សេង សិរីបុត្រ បានប្រាប់អ្នកយកព័ត៌មានថា របងបបេតុងដែលគេធ្វើរំលោភយកដីរបស់រដ្ឋតាមបណ្តោយមាត់ព្រែកននេះមាន ម្ចាស់២នាក់ តែទីតាំងដែលយកគ្រឿងចក្រទៅវាយកម្ទេចនិងឈូសឆាយនេះមាន៣កន្លែងផ្សេងៗគ្នា ។
លោក នាក់ សុវណ្ណារី បានឱ្យដឹងដែរថា , សំណង់រឹងមាំនៅតាមបបណ្ដោយព្រែកស្ពានក្បាលរមាសនេះ អាជ្ញាធរស្រុកបានជូនដំណឹងដល់មម្ចាស់ សំណង់ឱ្យបញ្ឍប់ការសាងសង់ តែម្ចាស់សំណង់នៅតែជួលកម្មកទៅធ្វើ ទើបពេលនេះយើងត្រូវប្រើកម្លាំងនិងគ្រឿងចក្រមកវាយនិងឈឈូស ឆាយដីតាមបណ្ដាយព្រែកនេះ ។ ទោះបីជាបែបណា ឈ្មោះដែលត្រូវបានប្រាប់ឱ្យដឹងនេះមើលទៅគ្រាន់តែជាអ្នកឈរឈ្មោះឱ្យគេប៉ុណ្ណោះ ព្រោះថាតាមស្ថានភាពសំណង់របងថ្មនេះ មិនមែនមនុស្សធម្មតាសាងសង់បាននោះឡើយ ។
សង្ឃឹមថា, លោក ម៉ៅ ធនិន អភិបាលនៃគណៈអភិបាលខេត្តកំពត តំណាងអយ្យការ បន្តនីតិវិធីរកអោយឃើញឬសគល់ ក្រហមរំលោភយកដីមាត់ព្រែក ចាត់ការតាមច្បាប់ ជាគំរូ អោយក្រុមឈ្មួញឯទៀតបោះបង់ទម្លាប់បំពានច្បាប់ ពិសេសសម្តេចតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា មិនលើកលែងដាច់ខាតអ្នករំលោភយកដីរដ្ឋ ៕
ដោយ ៖ សិលា
