សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តស្ទូចមួយគ្រឿងខណៈបេីកបរបត់ឆ្លងផ្លូវស្រាប់តែមានរថយន្តក្រឡុកស៊ីម៉ងត៍បេីកមកពីក្រោយបុកពេញទំហឹងបណ្តាលគាបជាប់គ្នាបែកធុងប្រេងហៀរពេញផ្លូវ ។
ហេតុការណ៍នេះបានកេីតឡេីងកាលពីវេលាម៉ោង២និង២០នាទីរសៀលថ្ងៃទី១៤ ខែធ្នូ ឆ្នាំ២០២១ នៅចំណុចមុខសាលាបឋមសិក្សាទួលកី តាមបណ្តោយផ្លូវជាតិលេខ៣ ស្ថិតក្នុងភូមិព្រៃកី សង្កាត់ភ្លេីងឆេះរទេះ ខណ្ឌកំបូល រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញរថយន្តស្ទូចម៉ាកហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ3D -8663 ធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីជេីងទៅត្បូង ខណៈមកដល់ចំណុចកេីតហេតុស្រាប់តែស៊ីញ៉ូបត់ឆ្វេងបំណងត្រឡប់ទៅក្រោយវិញ ភ្លាមៗនោះស្រាប់តែមានរថយន្តក្រឡុកស៊ីម៉ងត៍របស់ក្រុមហ៊ុនជីបម៉ុង ពាក់ស្លាកលេខភ្នំពេញ5A-1259 បេីកមកពីក្រោយជាន់ហ្វ្រ័ងមិនទាន់ក៏ជ្រុលទៅបុកពេញទំហឹងបណ្តាលឱ្យគាបជាប់គ្នានិងធ្វេីឱ្យរថយន្តស្ទូចបែកធុងប្រេងហៀរពេញផ្លូវ។
ក្រោយកេីតហេតុសមត្ថកិច្ចចរាចរណ៍បានគូសវាសនិងឱ្យរថយន្តទាំងពីរគ្រឿងអែបខាងសិនដេីម្បីធ្វេីការសម្របសម្រួលគ្នា។
ជុំវិញករណីនេះដែរ ដោយសារតែប្រេងហៀរពេញផ្លូវជាតិធ្វេីឱ្យម៉ូតូអ្នកដំណេីរមួយចំនួនបានរអិលដួលតែមិនរងរបួសធ្ងន់ធ្ងរនោះទេ។ បន្ទាប់មកសមត្ថកិច្ចបានយកដីមកបាចលុបប្រេងជៀសវាងបង្កគ្រោះថ្នាក់បន្តទៀត៕
ដោយ៖សុខាសែនជ័យ
