សារព័ត៌មាន នគរវត្ត តែងតែនាំមុខគេជានិច្ច
ក្លិបស្តេចស Real Madrid កំពុងតាមដានខ្សែការពាររបស់ក្រុមLiverpool សញ្ជាតិអង់គ្លេស Joe Gomez ក្នុងការទិញយកដើម្បីចូលរួមក្នុងទឹកដីអេស្ប៉ាញ។ កីឡាករវ័យ២៤ឆ្នាំរូបនេះបានខកខានភាគច្រើនកាលពីរដូវកាលមុនជាមួយនឹងរបួសជង្គង់ ហើយត្រូវបានរារាំងរយៈពេលនេះដោយបញ្ហាកំភួនជើង និងក្រលៀន។
Real Madrid បានបង្ហាញអារម្មណ៍ថា មានឱកាស Gomez អាចនឹងចាកចេញពី Anfield នៅចុងបញ្ចប់នៃរដូវកាលនេះ ខណៈដែលការមកដល់របស់ Ibrahima Konate ពី RB Leipzig បានបង្កើនការប្រកួតប្រជែងនៅកណ្តាលនៃតំបន់ការពាររបស់ហង្សក្រហម ស្របពេលដែល Gomez នៅសល់កុងត្រា៣ឆ្នាំកន្លះទៀត។
អ្នកចាត់ការក្រុម Liverpool លោក Jurgen Klopp បានជ្រើសរើស Konate និង Joel Matip ជាគូក្នុងតំបន់ខ្សែការពារកណ្តាលរបស់គាត់ ក្នុងពេលអវត្តមានរបស់ Virgil van Dijk អំឡុងពេលប្រកួតស្មើ ២-២ ជាមួយក្រុម Tottenham កាលពីថ្ងៃអាទិត្យ ដោយ Gomez ទើបតែត្រូវបានណែនាំជាកីឡាករបម្រុងនៅនាទីចុងក្រោយ។
ក្លិប Real Madrid ត្រូវបានគេដឹងថា កំពុងសម្លឹងមើលខ្សែការពារកណ្តាល ទោះបីជាវាត្រូវបានគេរំពឹងទុកយ៉ាងទូលំទូលាយថា គោលដៅចម្បងរបស់ក្លិបនេះគឺខ្សែប្រយុទ្ធ PSG កីឡាករ Kylian Mbappe ប៉ុន្តែយល់ថា មិនមានសង្ឃឹមក្នុងការចុះហត្ថលេខាលើ Gomez នៅក្នុងទីផ្សារដោះដូរកីឡាករខែមករានោះទេ ប្រសិនបើក្លិបនេះងាកទៅរកទិញខ្សែប្រយុទ្ធវិញ។
ខ្សែការពារ Joe Gomez បច្ចុប្បន្នកំពុងលេងនៅក្លិប Liverpool បន្ទាប់ពីចាកចេញពីក្លិប Charlton Athletic កាលពីឆ្នាំ២០១៥។ រហូតមកដល់ពេលនេះកីឡាកររូបនេះបង្ហាញខ្លួនឲ្យក្រុមហង្សក្រហមចំនួន៨១ដង និងបង្ហាញខ្លួនឲ្យក្រុមជម្រើសជាតិឈុតធំចំនួន១១ដងចាប់តាំងពីចូលក្រុមជម្រើសជាតិតាំងពីឆ្នាំ២០១៧ ៕
ដោយ៖ ភារៈ(រូបភាព ៖ BBC Sport)
