សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសម្នាក់ស្លាប់និងម្នាក់ទៀតរងរបួសធ្ងន់បន្ទាប់ពីជួបករណីគ្រោះថ្នាក់ចរាចរណ៍ដោយសារជិះម៉ូតូបុកអ្នកថ្មើរជើងឆ្លងកាត់ផ្លូវបង្កការភ្ញាក់ផ្អើលដល់អ្នកភូមិទាំងក្បាលព្រលប់។
ហេតុការណ៍នេះបានកើតឡើងកាលពីវេលាម៉ោង៦និង១៥នាទីព្រលប់ថ្ងៃទី២៣ខែធ្នូ ឆ្នាំ២០២១លើផ្លូវជាតិលេខ១៣ ចន្លោះគីឡូម៉ែត្រលេខ ៣៦និង៣៧នៅចំណុចភូមិកំពង់ត្រាច ឃុំកំពង់ត្រាច ស្រុករមាសហែក ខេត្តស្វាយរៀង។
យោងតាមសមត្ថកិច្ចនគរបាលស្រុកបានអោយដឹងថាបុរសដែលស្លាប់មានឈ្មោះ រិន សុខជា អាយុ ១៧ឆ្នាំ(វិកលចរិក) រស់នៅភូមិកំពង់តាត្រាវ ឃុំកំពង់ត្រាចស្រុករមាសហែក ខេត្តស្វាយរៀង។
ចំណែកអ្នករងរបួសធ្ងន់មានឈ្មោះ មាស វុត្ថា អាយុ ១៧ឆ្នាំមុខរបរ កសិករ រស់នៅភូមិតាហង់ ឃុំកំពង់ត្រាច ស្រុករមាសហែក ខេត្តស្វាយរៀងជិះម៉ូតូម៉ាកហុងដា សេ១២៥ ពណ៌ខ្មៅ ស៊េរី២០១០ ពាក់ស្លាកលេខ ពោធិ៍សាត់១C.២៤២៥។
តាមសាក្សីបានអោយដឹងថាមុនកើតហេតុមានបុរសវិកលចរិកម្នាក់បានដើរឆ្លងកាត់ផ្លូវពីទិសខាងលិចទៅកើត ហើយឈរកណ្តាលផ្លូវខណ:នោះស្រាប់តែមានបុរសម្នាក់បានជិះម៉ូតូមួយគ្រឿងម៉ាកហុងដា សេ១២៥ ពណ៌ខ្មៅ ស៊េរី២០១០ ពាក់ស្លាកលេខ ពោធិ៍សាត់១C.២៤២៥ដោយធ្វើដំណើរពីទិសខាងត្បូងទៅជើង មិនពាក់មួកសុត្ថិភាពបុកយ៉ាងពេញទំហឹងបង្កការភ្ញាក់ផ្អើលដល់អ្នកភូមិចោមរោមមើលនិងរាយការណ៍មកសមត្ថកិច្ចជួយសង្គ្រោះដឹកមកកាន់នៅមន្ទីរពេទ្យខេត្តស្វាយរៀង។
ចំណែកសពដែលស្លាប់ត្រូវបានសមត្ថកិច្ចធ្វើកំណត់ហេតុនិងប្រគល់អោយក្រុមគ្រួសារយកមកធ្វើបុណ្យតាមប្រពៃណី៕
ដោយ៖យឹម សុថាន
