សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មានការភ្ញាក់ផ្អេីលមួយបានកេីតឡេីងដល់អ្នកដំណេីរ និងសមត្ថកិច្ច កាលពីវេលាម៉ោង៨យប់ ថ្ងៃទី២៥ ខែធ្នូ ឆ្នាំ២០២១ ខណៈដែលមានបុរសម្នាក់បានជិះម៉ូតូ Zoomer-X មកលោតទឹកសម្លាប់ខ្លួនពីលេីស្ពានព្រះមុនីវង្សថ្មី ក្នុងសង្កាត់ចាក់អង្រែលេី ខណ្ឌមានជ័យ បណ្ដាលឱ្យលិចទៅក្នុងទឹកបាត់បន្សល់ទុកម៉ូតូនៅលេីស្ពាន ។
ជនរងគ្រោះដែលលោតទឹកសម្លាប់ខ្លួននេះគេនៅមិនទាន់ស្គាល់អត្តសញ្ញាណនៅឡើយទេ ដោយបន្សល់ម៉ូតូមួយគ្រឿងម៉ាក ហុងដា Zoomer-X ពណ៌ខៀវ ពាក់ស្លាកលេខភ្នំពេញ 1FH-8616 ,មួកសុវត្ថិភាពចំនួន១,បាយឆា២ប្រអប់នៅលេីស្ពាន។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនកេីតហេតុគេឃេីញបុរសរងគ្រោះនេះជិះម៉ូតូមួយគ្រឿងតែម្នាក់ឯងមកលេីស្ពានព្រះមុនីវង្សថ្មី ហេីយក៏ឈប់ម៉ូតូនៅលេីស្ពាន និងឈរមួយសន្ទុះដោយមិនដឹងគិតអ្វីនោះទេ រីឯប្រជាពលរដ្ឋអ្នកដំណើរក៏មិននឹកស្មានថារូបគេគិតខ្លីមកលោតទឹកនោះដែរ ។ បន្ទាប់មកបុរសរងគ្រោះក៏ឡេីងលេីបង្កាន់ដៃស្ពានលោតចុះទៅក្រោមលិចក្នុងទឹកបាត់តែម្ដង ទេីបបង្កការភ្ញាក់ផ្អេីលដល់អ្នកដំណេីរ និងសមត្ថកិច្ចមូលដ្ឋានចុះមកដល់កន្លែងកេីតហេតុភ្លាមៗ ។
ក្រោយកេីតហេតុ គេសង្កេតឃេីញថា នៅក្រោមស្ពានពុំមានអ្នកនេសាទ ឬកងកម្លាំងសម្រាប់ជួយសង្គ្រោះនោះទេ ទេីបសមត្ថកិច្ចមូលដ្ឋានបានត្រឹមតែយកសម្ភាររបស់ជនរងគ្រោះទៅរក្សាទុកនៅ
ប៉ុស្ដិ៍នគរបាលរដ្ឋបាលចាក់អង្រែលេី ដេីម្បីទុកប្រគល់ឱ្យក្រុមគ្រួសារ សាច់ញាតិនៅពេលក្រោយ ខណៈដែលជនរងគ្រោះ សមត្ថកិច្ចមូលដ្ឋាននៅបន្តស្វែងរកទៀត៕
ដោយ ៖ ភារ៉ា ដង្កោ
