សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ កម្លាំងនគរបាលផ្នែកបង្ក្រាបគ្រឿងញៀននៃអធិការដ្ឋាននគរបាលខណ្ឌដង្កោ សហការជាមួយកម្លាំងប៉ុស្តិ៍រដ្ឋបាលដង្កោ នៅវេលាម៉ោង០៤និង ២០នាទី ថ្ងៃទី២៧ ខែធ្នូ ឆ្នាំ២០២១ បានចុះបង្ក្រាបមុខសញ្ញាជួញដូរដោយខុសច្បាប់នូវសារធាតុញៀនត្រង់ចំណុចដីឡូត៍គ្មានលេខ ផ្លូវបេតុង ក្នុងភូមិម័ល សង្កាត់ដង្កោ ខណ្ឌដង្កោ ដោយឃាត់ខ្លួនជនសង្ស័យម្នាក់ និងដកហូតវត្ថុតាងមួយចំនួន ។
សមត្ថកិច្ចបានឱ្យដឹងថា ជនសង្ស័យដែលសមត្ថកិច្ចឃាត់ខ្លួនបាននោះមានឈ្មោះ ខាំ សុីវេង ភេទប្រុស អាយុ ៣៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅក្នុងដីឡូត៍គ្មានលេខស្ថិតក្នុងភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។ ចំពោះវត្ថុតាងដែលកម្លាំងសមត្ថកិច្ចដកហូតបានរួមមាន ៖ ១-ម្សៅក្រាមពណ៌សថ្លាចំនួន២៥កញ្ចប់(ធំល្មមចំនួន០១កញ្ចប់,តូចចំនួន២៤កញ្ចប់), ២-កូនកាបូបពណ៌ក្រហមចំនួន០១។
ក្រោយឃាត់ខ្លួន ជនសង្ស័យនិងវត្ថុតាងត្រូវបានសមត្ថកិច្ចនាំយកទៅសាកសួរបន្ថែមនៅប៉ុស្តិ៍នគរបាលដង្កោតាមនីតិវិធី ៕
ដោយ ៖ ភារ៉ា ដង្កោ
