សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តហុីយ៉ាន់ដាយមួយគ្រឿងបេីកបរខ្វះការប្រុងប្រយ័ត្នបានជ្រុលទៅកៀរបុរសម្នាក់កំពុងជិះម៉ូតូតាមដងផ្លូវបណ្ដាលឲ្យដួលរងរបួសយ៉ាងដំណំ កាលពីវេលាម៉ោង៨ និង១០នាទីយប់ថ្ងៃទី២៤ ខែមករា ឆ្នាំ២០២២ នៅចំណុចគល់ស្ពានអាកាស៧មករា តាមបណ្ដោយផ្លូវ២៧១ ក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។
តាមសម្ដីបុរសម្នាក់ជាជនរងគ្រោះបានប្រាប់ឲ្យដឹងថា មុនពេលកេីតហេតុរូបគាត់បានជិះម៉ូតូមួយគ្រឿងម៉ាក ហុងដាស្គូពី ពណ៌ក្រហម ពាក់ស្លាកលេខភ្នំពេញ 1AL-7994 តែម្នាក់ឯងធ្វេីដំណេីរតាមបណ្ដោយផ្លូវ២៧១ ទិសដៅពីជេីងទៅត្បូង ខណៈមកដល់ចំណុចកេីតហេតុស្រាប់តែមានរថយន្តបង្កម៉ាក ហុីយ៉ាន់ដាយ ពណ៌ស ពាក់ស្លាកលេខភ្នំពេញ 2B-2434 ធ្វេីដំណេីរមកតាមក្រោយយ៉ាងលឿន និងបានកៀរម៉ូតូជនរងគ្រោះបណ្ដាលឲ្យដួល និងធ្វេីឲ្យបុរសម្នាក់ម្ចាស់ម៉ូតូរងរបួសដៃនិងស្មារយ៉ាងដំណំ ។ ចំណែករថយន្តបង្កបានបន្តទៅមុខប្រហែល២០០ម៉ែត្រទេីបឈប់ ហេីយតៃកុងចុះគេចខ្លួនបាត់ ។
ក្រោយកេីតហេតុ ជនរងគ្រោះជាម្ចាស់ម៉ូតូត្រូវបានបងប្អូនយករថយន្តដឹកទៅមន្ទីរពេទ្យរុស្សុីដេីម្បីពិនិត្យ និងព្យាបាល ។ បន្ទាប់មកសមត្ថកិច្ចមូលដ្ឋានបានទាក់ទងទៅផ្នែកជំនាញចរាចរណ៍ខណ្ឌមានជ័យ មកធ្វេីការវាស់វែងយករថយន្តបង្ក និងម៉ូតូជនរងគ្រោះទៅរក្សាទុក រង់ចាំដោះស្រាយគ្នានៅពេលក្រោយ ៕
ដោយ ៖ ភារ៉ា ដង្កោ
