សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បេីករថយន្តស៊េរីទំនេីប LEXUS NX200t បានគេចពីម៉ូតូជ្រុលចង្កូតឡេីងលេីសួនផ្កាមុខបុរី ពិភពថ្មី រងការខូចខាតយ៉ាងដំណំ តែសំណាងដែរដែលមិនបង្កឱ្យមានមនុស្សរងរបួស ។
ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង១ និង១០នាទីរំលងអធ្រាត្រឈានចូលថ្ងៃទី២៥ ខែមករា ឆ្នាំ២០២២ នៅចំណុចមុខបុរីពិភពថ្មី តាមបណ្ដោយផ្លូវលេខ២១៧ ក្នុងសង្កាត់ដង្កោ ខណ្ឌដង្កោ ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេឃេីញរថយន្តស៊េរីទំនេីបម៉ាក LEXUS NX200t ពណ៌ស ពាក់ស្លាកលេខភ្នំពេញ 2BB-9988 បេីកបរដោយបុរសម្នាក់ធ្វេីដំណេីរតាមបណ្ដោយផ្លូវលេខ២១៧ ពីជេីងទៅត្បូងក្នុងល្បឿនលឿន ខណៈមកដល់ចំណុចកេីតហេតុស្រាប់តែមានម៉ូតូមួយគ្រឿងមិនចាំម៉ាកបានបេីកកាត់ពីមុខទេីបធ្វេីឲ្យអ្នកបើករថយន្តទាញចង្កូតមកស្តាំដៃបុកខឿន និងឡេីងលេីសួនផ្កា ព្រមទាំងពោបលេីផ្ទាំងថ្មដ៏ធំមួយរងការខូចខាតយ៉ាងដំណំ តែសំណាងល្អដែរដែលមិនបង្កគ្រោះថ្នាក់ដល់មនុស្ស ឬសម្បត្តិរដ្ឋឡេីយ ។
ក្រោយកេីតហេតុភ្លាមៗ សមត្ថកិច្ចមូលដ្ឋានបានចុះមកដល់ហើយពិនិត្យមេីលជាក់ស្ដែងឃេីញថា រថយន្តបង្កខាងលេីមិនបានប៉ះពាល់ដល់សម្បត្តិរដ្ឋទេីបឱ្យម្ចាស់រថយន្តបង្កដោះស្រាយជាមួយតំណាងក្រុមហ៊ុន បុរីពិភពថ្មី ដេីម្បីបញ្ចប់រឿងយករថយន្តទៅជួសជុលដោយខ្លួនឯង ៕
ដោយ ៖ ភារ៉ា ដង្កោ
