សារព័ត៌មាន នគរវត្ត តែងតែនាំមុខគេជានិច្ច
ក្រុមអធិរាជស Real Madrid នឹងដេញថ្លៃដើម្បីបន្តការឈ្នះពានរង្វាន់ UEFA Champions League របស់ខ្លួននៅពេលដែលពួកគេកំពុងធ្វើដំណើរទៅជួបក្រុមម្ចាស់ផ្ទះ Paris Saint-Germain សម្រាប់ការប្រកួតវគ្គ១៦ក្រុមចុងក្រោយជើងទី១នៅថ្ងៃអង្គារនេះក្នុងកីឡដ្ឋាន Parc des Princes ។
ការប្រកួតវគ្គចែកពូលចុងក្រោយរបស់ក្រុម PSG បានធ្វើឱ្យពួកគេយកឈ្នះ ៤-១ លើក្រុម Club Brugge នៅក្នុងទឹកដី។ ខ្សែប្រយុទ្ធ Kylian Mbappé និង Lionel Messi គឺជាកីឡាករដែលរកគ្រាប់បាល់បាន២គ្រាប់ក្នុងម្នាក់។ ចំណែកការប្រកួតវគ្គចែកពូលចុងក្រោយរបស់ Real Madrid បានធ្វើឱ្យពួកគេយកឈ្នះ ២-០ លើក្រុម Inter Milan នៅក្នុងទឹកដី ដែលជាជ័យជម្នះលើកទី៤ ក្នុងក្របខ័ណ្ឌ Champions League ជាប់ៗគ្នាក្នុងរដូវកាលនេះ។ ខ្សែបម្រើ Toni Kroos និង Asensio ជាកីឡាករដែលរកបានគ្រាប់បាល់ក្នុងជ័យជម្នះនោះ។
ការជួបគ្នាចុងក្រោយរវាងក្រុមដែលជាការប្រកួតវគ្គចែកពូល Champions League នៅកីឡដ្ឋាន Estadio Santiago Bernabéu ក្នុងខែវិច្ឆិកា ឆ្នាំ២០១៩ បានបញ្ចប់ក្នុងលទ្ធផល ២-២។ ខ្សែប្រយុទ្ធ Karim Benzemaបានស៊ុតបញ្ចូលទី២គ្រាប់នៅនាទីទី១៧ និងនាទីទី៧៩ ខណៈដែលខ្សែប្រយុទ្ធ Kylian Mbappé និង Pablo Sarabia គឺជាអ្នករកគ្រាប់បាល់បញ្ចូលទី។
ក្រុម PSG មានខ្សែប្រយុទ្ធ Messi ក្នុងការប្រកួត Champions League ដែលជាអ្នកស៊ុតបញ្ចូលទីច្រើនជាងគេរបស់ក្លិបដោយរកបាន៥គ្រាប់។ ចំណែក Benzema គឺជាកីឡាករដែលលេចធ្លោជាងគេសម្រាប់ Real Madrid ដោយស៊ុតបញ្ចូលទីបាន៥គ្រាប់ក្នុងយុទ្ធនាការ Champions League បច្ចុប្បន្ន។ ក្រុមទាំង២កំពុងឈរនៅលើតារាងពិន្ទុក្នុងក្របខ័ណ្ឌ Champions League ព្រោះថា ក្រុមនីមួយៗមានតារាងពិន្ទុក្នុងគ្រប់ការប្រកួតនៅរដូវកាលនេះ។
ក្នុងការប្រកួត Champions League ៣លើកនៅទឹកដីកីឡដ្ឋាន Parc des Princes ក្នុងរដូវកាលនេះ PSG ទទួលបាន៩ពិន្ទុទាំងអស់ ជាមួយនឹងការស៊ុតបញ្ចូលទី៩គ្រាប់ និងរបូត៣គ្រាប់។ ចំណែក Real Madrid នឹងចង់បន្តទម្រង់លេងក្រៅដីដ៏ល្អ ខណៈដែលពួកគេរកបាន៣ពិន្ទុក្នុងការប្រកួតនីមួយៗនៅក្រៅផ្ទះ។
ក្រុម PSG បានឈ្នះ៤ប្រកួតក្នុង៦ប្រកួតចុងក្រោយរបស់ខ្លួន។ ៣ប្រកួតចុងក្រោយក្រុមនេះបានចាញ់ក្រុម Nice ក្នុងលទ្ធផលប៉េណាល់ទី, ឈ្នះក្រុម Lille ៥ទល់១ និងឈ្នះក្រុម Rennes ១ទល់០ក្នុងទឹកដី។ ដោយឡែកក្រុម Real Madrid ៦ប្រកួតចុងក្រោយឈ្នះ៣ប្រកួតស្មើ២ និងចាញ់១។ ៣ប្រកួតចុងក្រោយក្រុមនេះចាញ់ក្រុម Bilbao ១ទល់០, ឈ្នះក្រុម Granada ១ទល់០ក្នុងទឹកដី និងស្មើជាមួយក្រុម Villarreal ០ទល់០ ក្រៅទឹកដី។
ការប្រកួតជើងទី១ វគ្គ១៦ក្រុម ក្របខ័ណ្ឌ Champions League សម្រាប់គូទាំង២នឹងធ្វើឡើងនៅទឹកដីក្រុម PSG វេលាម៉ោង៣ទៀបភ្លឺឈានចូលថ្ងៃទី១៦ ខែកុម្ភៈ ឆ្នាំ២០២២ ខណៈដែលជើងទី២ នឹងធ្វើឡើងនៅទឹកដីអេស្ប៉ាញវិញម្តងនៅវេលាម៉ោងដដែលថ្ងៃទី១០ ខែមីនា ឆ្នាំ២០២២ខាងមុខ ៕
ដោយ៖ ភារៈ(រូបភាព ៖ soccerway.com)
