សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ជនសង្ស័យចំនួន០២នាក់ ត្រូវបានកម្លាំងជំនាញនៃអធិការដ្ឋាននគរបាលស្រុកព្រៃនប់ បានធ្វើការឃាត់ខ្លួនពាក់ព័ន្ធករណីអំពើលួច(លួចម៉ូតូ) កាលពីវេលាម៉ោង០២និង៣០នាទីទៀបភ្លឺថ្ងៃសៅរ៍ ១២កើត ខែជេស្ធ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១១ ខែមិថុនា ឆ្នាំ២០២២ ស្ថិតនៅចំណុច ក្នុងភូមិជម្ពូរខ្មៅ ឃុំទួលទទឹង ស្រុកព្រៃនប់ ខេត្តព្រះសីហនុ ។
យោងតាមរបាយការណ៍ បានបន្តថា ជនសង្ស័យទាំង០២នាក់នេះ ៖ ១.ឈ្មោះ ហុច តូច ភេទប្រុស អាយុ៣២ឆ្នាំ មុខរបរមិនពិតប្រាកដ មានទីលំនៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ ។ ២.ឈ្មោះ សេង ហេង ភេទប្រុស អាយុ៣៥ឆ្នាំ មុខរបរមិនពិតប្រាកដ ស្នាក់នៅនៅភូមិគគី ឃុំបិតត្រាង ស្រុកព្រៃនប់ ខេត្តព្រះសីហនុ បានធ្វើសកម្មភាពលួចម៉ូតូ០១គ្រឿងម៉ាក ហុងដាឌ្រីម ពណ៍ខ្មៅ គ្មានស្លាកលេខរបស់ឈ្មោះ ភួង រិទ្ធ ភេទប្រុស អាយុ៥១ ឆ្នាំ មុខរបរមេភូមិ មានទីលំនៅចំណុចកើតហេតុ ខណះពេល ម្ចាស់ម៉ូតូទុកម៉ូតូនៅមុខផ្ទះ ហើយជនសង្ស័យទាំង០២នាក់ បានធ្វើសកម្មភាពលួចបណ្ដើរម៉ូតូចេញ ហើយក៏ត្រូវបានម្ចាស់ម៉ូតូរាយការណ៍ជូនសមត្ថកិច្ច ឱ្យអត្តរាគមន៍ធ្វើការឃាត់ខ្លួនបានតែម្ដង ។
បច្ចុប្បន្នកម្លាំងជំនាញកំពុងកសាងសំណុំរឿងតាមនីតិវិធីច្បាប់ ៕
ដោយ៖សហការី
