សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល ៖ កម្លាំងនគរបាលស្រុកកៀនស្វាយបានបេីកប្រតិបត្តិការស្រាវជ្រាវតាមចាប់ក្រុមចោរប្លន់បាន៣នាក់ក្នុងចំណោមបក្សពួក១០នាក់ បន្ទាប់ពីពួកគេបានជិះម៉ូតូធ្វេីសកម្មភាពកាប់ជាច្រេីនកាំបិតទៅលេីជនរងគ្រោះរួចប្លន់យកម៉ូតូបាន១គ្រឿង កាលពីថ្ងៃអាទិត្យ១៣កើត ខែជេស្ឋ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី១២ ខែមិថុនា ឆ្នាំ២០២២ វេលាម៉ោង០២និង១០នាទីនៅចំណុចភូមិចិនកោះ ឃ៉ំគគីរ ស្រុកកៀនស្វាយ ខេត្តកណ្តាល។
មន្ត្រីនគរបាលបានឱ្យដឺងថា ជនរងគ្រោះដែលត្រូវក្រុមជនសង្ស័យកាប់ប្លន់នោះឈ្មោះ ឡុង គីមលាង ភេទប្រុស អាយុ១៩ឆ្នាំ ជនជាតិខ្មែរ មុខរបរកម្មករ មានទីលំនៅភូមិតារបដូនស ឃ៉ំគគីរ ស្រុកកៀនស្វាយ ខេត្តកណ្តាល។ ចំណែកក្រុមជនសង្ស័យដែលត្រូវសមត្ថកិច្ចចាប់ខ្លួនបាន៣នាក់នោះ ទី១-ឈ្មោះ ចាន់ សីហតុន ភេទប្រុស អាយុ១៧ឆ្នាំ ជនជាតិខ្មែរ មុខរបរសិស្ស មានទីលំនៅភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល(ឃាត់ខ្លួន)។២-ឈ្មោះ និច សិដ្ឋិគុណ ភេទប្រុស អាយុ១៦ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្ដាល(ឃាត់ខ្លួន)។
៣-ឈ្មោះម៉ៅ សុភារម្យ ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិត ប្រាកដ មានទីលំនៅភូមិតាង៉ូវក្រោម សង្តាត់ច្បារអំពៅ ខណ្ឌច្បារអំពៅ រាជធានីភ្នំពេញ (ឃាត់ខ្លួន)។
មន្ត្រីនគរបាលបានបន្តឱ្យដឹងថា ក្រុមជនសង្ស័យមានគ្នា១០នាក់បានជិះម៉ូតូចំនួន៥គ្រឿងបេីកកៀរជនរងគ្រោះខាងលេី រួចយកកាំបិតបុង័តោមកកាប់ឈ្មោះ ឡុង គីមលាង (ជនរងគ្រោះ)ចំក្បាលចំនួនបីកន្លែង ដេរចំនួន៣០ថ្នេរ និងខ្នងចំនួន២កាំបិត រួចប្លន់យកម៉ូតូ១គ្រឿង ម៉ាក Honda Scoopy ពណ៌ស ស៊េរីឆ្នាំ២០២១ ពាក់ស្លាកលេខកណ្តាល1AM-6603 ហេីយនាំគ្នាជិះចេញទៅភ្នំពេញ។
បន្ទាប់មកជនរងគ្រោះឈ្មោះ ឡុង គីមលាង ភេទប្រុស អាយុ ១៩ឆ្នាំ ជនជាតិខ្មែរ មុខរបរកម្មករ មានទីលំនៅភូមិតារបដូនស ឃ៉ំគគីរ ស្រុកកៀនស្វាយ ខេត្តកណ្តាល បានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាលគគីរ។ ក្រោយពីទទួលពាក្យបណ្តឹងពីជនរងគ្រោះភ្លាម កម្លាំងប៉ុស្តិ៍នគរបាលរដ្ឋបាលគគីរ សហការជាមួយកម្លាំងផ្នែកនគរបាលយុត្តិធម៌ស្រុកកៀនស្វាយចុះដល់កន្លែងកើតហេតុ ធ្វើការស្រាវនិងសហការជាមួយកម្លាំងនគរបាលខណ្ឌច្បារអំពៅធ្វើឃាត់ខ្លួនជនសង្ស័បានចំនួន០៣នាក់យកមកប៉ុស្តិ៍ធ្វើការសាកសួរនិងចាត់ការតាមនីតិវិធី។
នៅចំពោះមុខសមត្ថកិច្ច ជនសង្យ័យទាំងបីនាក់បានសារភាពថា ពួកគេនិងបក្សពួកពិតជាបានកាប់ទៅលេីជនរងគ្រោះប្លន់យកម៉ូតូពិតប្រាកដមែនហេីយកន្លងមកក្រុមពួកគេបានធ្វេីសកម្មភាពជិះម៉ូតូកៀរអ្នកធ្វេីដំណេីរកាប់ប្លន់២ដងរួចមកហេីយតែមិនបានសម្រេច៕
ដោយ៖ស្អាងជ័យ
