សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ បេីយោងតាមរបាយការណ៍របស់អគ្គស្នងការដ្ឋាននគរបាលជាតិបានឱ្យដឹងនៅព្រឹកថ្ងៃពុធទី២៩ ខែមិថុនា ឆ្នាំ២០២២នេះថា៖ លោកវរសេនីយ៍ឯក សន និល អធិការនគរបាលស្រុករតនមណ្ឌល បានដឹកនាំកម្លាំងផ្នែកប្រឆាំងគ្រឿងញៀន និងកម្លាំងប៉ុស្តិ៍នគរបាលរដ្ឋបាលត្រែង នៃអធិការដ្ឋាននគរបាលស្រុក ចុះប្រតិបត្តិការបង្ក្រាបករណីរក្សាទុក និងចែកចាយដោយខុសច្បាប់នូវសារធាតុញៀនចំនួន ០១លើក ក្នុងបទល្មើសជាក់ស្ដែងនៅចំណុចភូមិគីឡូ៣៨ ឃុំត្រែង ស្រុករតនមណ្ឌល កាលពីវេលាម៉ោង១១និង ២០នាទីព្រឹកថ្ងៃទី២៨ ខែមិថុនាម្សិលមិញនេះ។
របាយការណ៍ដដែលបានបន្តថា ជនសង្ស័យឈ្មោះ សុវណ្ណ ម៉ានិត ភេទប្រុស អាយុ៣១ឆ្នាំ រស់នៅភូមិគីឡូ៣៨ ឃុំត្រែង ស្រុករតនមណ្ឌល ដោយសមត្ថកិច្ចដកហូតបានវត្ថុតាងរួមមាន៖ ថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន០២ថង់, សម្ភារសម្រាប់រំលែកលក់ថ្នាំញៀន, សម្ភារសម្រាប់ប្រើប្រាស់ថ្នាំញៀនមួយចំនួន, ទូរស័ព្ទដៃម៉ាក Nokia ពណ៌ខ្មៅចំនួន ០១គ្រឿង ។
បច្ចុប្បន្ន ជនសង្ស័យត្រូវបានកម្លាំងនគរបាលស្រុកកសាងសំណុំរឿងបញ្ជូនមកការិយាល័យជំនាញនៃស្នងការដ្ឋាននគរបាលខេត្ត ដើម្បីចាត់ការបន្តតាមនីតិវិធីច្បាប់៕
ដោយ៖អរុណរះ
