សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង៖ នេះបេីយោងតាមប្រភពព័ត៌មានពីរបាយការណ៍របស់អគ្គស្នងការនគរបាលជាតិ បានឱ្យដឹងនៅថ្ងៃសៅរ៍ ៤កើត ខែអាសាឍ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី០២ ខែកក្កដា ឆ្នាំ២០២២ កម្លាំងអធិការដ្ឋាននគរបាលស្រុកបរិបូណ៌ សហការជាមួយកម្លាំងចម្រុះ គណៈបញ្ជាការឯកភាពស្រុកបរិបូណ៌រួមជាមួយសហគមន៍នេសាទកំពង់ព្រះគគីរ ដឹកនាំដោយលោក ផល សុភាព អភិបាលរងស្រុកបរិបូណ៌ កាលពីថ្ងៃទី០១ ខែកក្កដាម្សិលមុិញនេះ បានចុះប្រតិបត្តិការបង្ក្រាបបទល្មើសនេសាទ នៅចំណុចកោះអាចម៍ ភូមិកោះតាម៉ូវ ឃុំកំពង់ព្រះគគីរ ស្រុកបរិបូណ៌ ខេត្តកំពង់ឆ្នាំង។
សមត្ថកិច្ចបានឲ្យដឹងថា កម្លាំងសរុប មានចំនួន២០នាក់ មធ្យោបាយកាណូតស្មាច់ចំនួន០៣គ្រឿង ។
ក្នុងកិច្ចប្រតិបត្តិការនេះបង្ក្រាបដកហូតបានរបាំងសាច់អួនចំនួន០៥កន្លែងប្រវែង៤០០ម៉ែត្រ,លបលូសាច់អួនចំនួន០៤ , បង្គោលចំនួន៣០០ដើម , ត្រីចម្រុះចំនួន១០គីឡូក្រាម រួមនឹង ឧបករណ៍ សម្ភារៈ បំផ្លាញចោលនៅនឹងកន្លែង ៕
ដោយ៖ អារុណរះ
