សារព័ត៌មាន នគរវត្ត តែងតែនាំមុខគេជានិច្ច
ក្រុមកាំភ្លើងធំ Arsenal គ្រោងនឹងចុះហត្ថលេខាលើកីឡាករ OleksandrZinchenko ពីក្លិបជើងឯក Premier League Manchester City ក្នុងតម្លៃខ្លួន៣២លានផោន (៣៨.៣៩លានដុល្លារអាមេរិក) បន្ទាប់ពីក្លឹបបានយល់ព្រមលើកិច្ចព្រមព្រៀងមួយ នេះបើយោងតាមសារព័ត៌មានរបស់អង់គ្លេសបានរាយការណ៍កាលពីថ្ងៃពុធ ទី២០ ខែកក្កដា។
សារព័ត៌មាន Sky Sports បានផ្សាយថា ក្លិប Arsenal នឹងចំណាយប្រាក់៣០លានផោនជាមុនជាមួយនឹងប្រាក់បន្ថែម២លានផោនទៀតដោយកីឡាករវ័យ២៥ឆ្នាំរូបនេះបានចាកចេញពីជំរុំហ្វឹកហាត់របស់ Man City នៅអាមេរិកដើម្បីភ្ជាប់ទំនាក់ទំនងជាមួយក្រុម Arsenal ដែលកំពុងធ្វើដំណើរទៅកាន់សហរដ្ឋអាមេរិកមុនរដូវកាល។
Zinchenko នឹងក្លាយជាកីឡាករទី២របស់ Arsenal ពី Man City ក្នុងរដូវកាលនេះបន្ទាប់ពីខ្សែប្រយុទ្ធប្រេស៊ីល Gabriel Jesus និងជាកីឡាករទី៥របស់ពួកគេបន្ទាប់ពីខ្សែបម្រើស្លាប Marquinhos អ្នកចាំទី Matt Turner និងខ្សែបម្រើប្រយុទ្ធ Fabio Vieira ។
ជាអតីតយុវជនរបស់ក្លិប Shakhtar Donetsk កីឡាករ Zinchenko បានចាប់ផ្តើមអាជីពរបស់គាត់នៅក្នុងក្របខ័ណ្ឌ Premier League របស់រុស្ស៊ីជាមួយ UFA មុនពេលចុះហត្ថលេខាសម្រាប់ Man City ក្នុងឆ្នាំ២០១៦ក្នុងវ័យ១៩ឆ្នាំបន្ទាប់ពីលេងឱ្យអ៊ុយក្រែនក្នុងព្រឹត្តិការណ៍ European Championship ឆ្នាំ២០១៦។
ជាខ្សែបម្រើកណ្តាលនៅពេលបំពេញកាតព្វកិច្ចអន្តរជាតិ Zinchenko ជារឿយៗត្រូវបានគេដាក់ឲ្យលេងជាខ្សែការពារឆ្វេងដោយលោក Pep Guardiola នៅ Man City ប៉ុន្តែគាត់បានរកឃើញថា ការលេងពិបាកនឹងមកជាមួយ Joao Cancelo ជាជម្រើសដែលពេញចិត្តនៅផ្នែកការពារខាងឆ្វេង។
Zinchenko លេងឱ្យអ៊ុយក្រែនបាន៥២ដងដោយស៊ុតបញ្ចូលទីបាន៨គ្រាប់។ សម្រាប់ Man City គាត់បានបង្ហាញខ្លួនចំនួន១២៧ប្រកួតនៅក្នុងការប្រកួតទាំងអស់ រួមទាំងការប្រកួតវគ្គផ្តាច់ព្រ័ត្រ Champions League ឆ្នាំ២០២១ ដែល Man City បានបញ្ចប់ក្នុងចំណាត់ថ្នាក់លេខ២បន្ទាប់ពីចាញ់ក្រុម Chelsea។ គាត់បានជួយក្រុមឈ្នះពានរង្វាន់ Premier League ៤ដង, League Cup ៤ដង និង FA Cup ១ដងជាមួយ Man City ។
ការមកដល់របស់ Zinchenko នឹងផ្តល់ឱ្យអ្នកចាត់ការទូទៅក្រុម Arsenal លោក Mikel Arteta នូវជម្រៅនៃទីតាំងខ្សែការពារឆ្វេង ខណៈដែល Nuno Tavares ខកខានមិនបានចាប់អារម្មណ៍កាលពីរដូវកាលមុន នៅពេលដែលរដូវកាលរបស់ខ្សែការពារជម្រើសទី១ Kieran Tierney ឈានដល់ទីបញ្ចប់ដោយសាររបួស។
Arsenal ដែលបានបញ្ចប់ក្នុងចំណាត់ថ្នាក់លេខ៥កាលពីរដូវកាលមុន ចាប់ផ្តើមយុទ្ធនាការលីគរបស់ពួកគេនៅថ្ងៃទី៥ ខែសីហាខាងមុខ ដោយត្រូវប៉ះជាមួយក្រុម Crystal Palace ៕
ដោយ៖ ភារៈ(រូបភាព ៖ Reuters/CNA/Sky Sport)
