ប្រធានាធិបតីអ៊ុយក្រែនលើកឡើងពីសេណារីយ៉ូដែលរុស្ស៊ីកាន់កាប់អ៊ុយក្រែន “ក្នុងរយៈពេល៣ ថ្ងៃ”

ចែករំលែក៖

ប្រធានាធិបតីអ៊ុយក្រែនលោកលោក Volodymyr Zelensky បានព្រមានដល់មហាជនពីការវាយប្រហារដណ្តើមគ្រប់គ្រងអ៊ុយក្រែនពីសំណាក់រុស្ស៊ី និងធ្វើឱ្យពលរដ្ឋធ្លាក់ក្នុងភាពចលាចល ។ លោក Volodymyr Zelensky ក៏បានលើកឡើងពីសេណារីយូ៉ នៃការវាយប្រហារដណ្តើមគ្រប់គ្រងពីរុស្ស៊ីក្នុងពេលតែ៣ថ្ងៃប៉ុណ្ណោះ។

តាំងពីចុងឆ្នាំ២០២១មក បណ្តាប្រទេសលោកខាងលិចបានព្រមានពីការវាយប្រហាររបស់រុស្ស៊ីទៅលើប្រទេសអ៊ុយក្រែន។ អគ្គនាយកក្រុមចារកិច្ច CIA លោក William Burns បានផ្តល់ព័ត៌មានសម្ងាត់ដល់ទីក្រុងកៀវបានដឹងកាលពីពាក់កណ្តាលខែមករាឆ្នាំ២០២២ថា រុស្ស៊ីនឹងបញ្ជូនទាហានទៅវាយប្រហារអ៊ុយក្រែន។ ប៉ុន្តែរហូតមកដល់ថ្ងៃទី២៤ខែកុម្ភៈ រដ្ឋាភិបាលរបស់ប្រធានាធិបតី Volodymyr Zelensky បានព្រងើយចំពោះការព្រមានខាងលើ ហើយថ្កោលទោសលោកខាងលិចថាកំពុងធ្វើឲ្យពលរដ្ឋអ៊ុយក្រែនធ្លាក់ក្នុងភាពចលាចល ។
នៅថ្ងៃទី១៦ខែសីហា ប្រធានាធិបតី Zelensky ជាថ្មីម្តងទៀតបានបន្តការពារគោលជំហរ មិនប្រកាសអាសន្នជាមុនពីសង្គ្រាមនោះឡើយ ព្រោះអាចបង្កឱ្យមានភាពចលាចលនៅក្នុងមហាជន ពលរដ្ឋនឹងចាកចេញពីប្រទេស រក្សាទុកស្បៀងអាហារ … ។
ប្រធានាធិបតីអ៊ុយក្រែនបានប្រកាសថា ប្រសិនបើប្រកាសពីសង្គ្រាម អ៊ុយក្រែននឹងរងការខាតបង់ទឹកប្រាក់៧ពាន់លានដុល្លារក្នុង១ខែ គិតចាប់តាំងពីខែតុលាឆ្នាំ២០២១មក៕ ដោយ ៖ ធីរីណា