សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល ៖ ជនសង្ស័យ២នាក់ ត្រូវបានសមត្ថកិច្ចនគរបាលស្រុកកណ្ដាលស្ទឹងចាប់ខ្លួនករណីប្រើប្រាស់អាវុធកែច្នៃខុសច្បាប់ (ដាវ)។ ករណីចាប់ខ្លួននេះធ្វើឡើងនៅថ្ងៃទី១៧ ខែសីហា ឆ្នាំ ២០២២ វេលាម៉ោង ២២និង៣០នាទី ចំណុចនៅភូមិព្រៃទទឹង ឃុំត្រពាំងវែង ស្រុកកណ្ដាលស្ទឹង ខេត្តកណ្ដាល។
មន្ត្រីនគរបាលស្រុកកណ្ដាលស្ទឹងបានឲ្យដឹងថា ជនសង្ស័យ០២នាក់ ១.ឈ្មោះ ឡាច មករា អាយុ១៥ ឆ្នាំ មានទីលំនៅបច្ចុប្បន្នភូមិ ភានផ្សា ឃុំ ព្រះនិពាន្ធ ស្រុក គងពិសី ខេត្ត កំពង់ស្ពឺ មុខរបរ មិនពិតប្រាកដ និងទី២.ឈ្មោះ អៀង សុភី ភេទ ប្រុស អាយុ ១៧ ឆ្នាំ បច្ចុប្បន្នភូមិ ក្រាំងធំ ឃុំលំពុង ស្រុកបាទី ខេត្តតាកែវ ។មុខរបរ មិនពិតប្រាកដ ។
វត្ថុតាងចាប់យករួមមាន៖
ដាវដែកកែឆ្នៃ ០១ ប្រវែង ២៥សង់ទីម៉ែត្រ និងម៉ូតូ០១គ្រឿងម៉ាក HondaDream C125 ពណ៌ ក្រហម ស៊េរីឆ្នាំ ២០១៨ ឡើងស៊េរី ឆ្នាំ២០២២គ្មាន ផ្លាកលេខ។
បច្ចុប្បន្នជនសង្ស័យទាំង២នាក់ខាងលើ រួមទាំងវត្ថុតាងពាក់ព័ន្ធ ត្រូវបានសមត្ថកិច្ចជំនាញកសាងសំណុំរឿងបញ្ជូនទៅអធិការដ្ឋាននគរបាលស្រុកដើម្បីចាត់ការតាមនីតិវិធីច្បាប់ ៕
ដោយ៖ស្អាងជ័យ
