សារព័ត៌មាន នគរវត្ត តែងតែនាំមុខគេជានិច្ច
នៅថ្ងៃទី២៤ខែសីហា មានករណីបាញ់ប្រហារនៅមុខផ្ទះសម្រាប់មនុស្សចាស់ជរា ស្ថិតនៅក្នុងរដ្ឋធានីវ់ាស៊ីនតោន បណ្តាលឱ្យមនុស្ស២នាក់ស្លាប់ និង៣នាក់រងរបួស។
កម្លាំងប៉ូលិសទីក្រុងវ៉ាសុីនតោន បានឱ្យដឹងថា ករណីបាញ់ប្រហារកើតឡើងនៅជាយក្រុងTruxton Circle នាវេលាម៉ោង១២និង ៤៩នាទីថ្ងៃទី២៤ខែសីហា។ រថយន្តមួយគ្រឿងប្រភេទ(SUV) ពណ៌ខ្មៅបានមកឈប់នៅមុខបរិវេណផ្ទះសម្រាប់មនុស្សចាស់ជរា ហើយបាញ់ប្រហារ រួចបើករថយន្តចេញបាត់ទៅ។
មន្ត្រីប៉ូលិសក្នុងតំបន់បានឱ្យដឹងថា យ៉ាងហោចណាស់ក៏មានមនុស្ស ៥នាក់ត្រូវគ្រាប់កាំភ្លើង ក្នុងនោះមាន ២នាក់ស្លាប់នៅនឹងកន្លែង និង៣នាក់ទៀតរងរបួសធ្ងន់ត្រូវបញ្ជូនទៅកាន់មន្ទីរពេទ្យ។
នៅពេលនេះកម្លាំងប៉ូលិស កំពុងតែប្រមូលភស្តុតាងដើម្បីបញ្ជាក់ពីសកម្មភាពបាញ់ប្រហារខាងលើ ក៏ដូចជាស្វែងរកចាប់ខ្លួនជនដៃដល់ ។ កម្លាំងប៉ូលិសបញ្ជាក់ថា ហេតុការណ៍ខាងលើអាចបង្កឡើងដោយក្រុមជួញដូរគ្រឿងញៀន៕ ដោយ៖ ធីរីណា
រូបថត ៖ Washington Post
