សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បើយោងតាមប្រភពព័ត៌មានពីអគ្គស្នងការនគរបាលជាតិ បានឱ្យដឹងនៅល្ងាចថ្ងៃព្រហស្បតិ៍ទី២៥ ខែសីហា ឆ្នាំ២០២២នេះថា៖ ជនសង្ស័យចំនួន៥៣នាក់(ស្រី២នាក់) ត្រូវបានសមត្ថកិច្ចឃាត់ខ្លួនក្នុងប្រតិបត្តិការបង្ក្រាទបទល្មើសគ្រឿងញៀនចំនួន១៨ករណីទូទាំងប្រទេស នៅថ្ងៃទី២៥ ខែសីហានេះ ។ ដូច្នេះសូមនិយាយថាទេចំពោះគ្រឿងញៀន !
របាយការណ៍ដដែលបន្តថា ក្នុងចំណោមជនសង្ស័យទាំងចំនួន៥៣នាក់រួមមាន៖ ករណីជួញដូរ ១០ករណី ឃាត់មនុស្សចំនួន ១៨នាក់(ស្រី ១នាក់) ,ដឹកជញ្ជូន រក្សាទុក ២ករណី ឃាត់មនុស្សចំនួន ២នាក់ ,ចាត់ចែង សម្រួល ១ករណី ឃាត់មនុស្សចំនួន ២នាក់ ,បើកបរក្រោមឥល្ឋពល ១ករណី ឃាត់មនុស្សចំនួន ២នាក់ និងប្រើប្រាស់ ៤ករណី ឃាត់មនុស្សចំនួន ២៩នាក់(ស្រី ១នាក់) ។
ចំណែកវត្ថុតាងដែលចាប់យកសរុបក្នុងថ្ងៃទី២៥ ខែសីហា រួមមាន ៖មេតំហ្វេតាមីន(ម៉ាទឹកកក) ស្មេីនិង ៩៨,៥៣ក្រាម និង៦កញ្ចប់តូច ។
ជាលទ្ធផលក្នុងប្រតិបត្តិការខាងលើនេះ បានចូលរួមបង្ក្រាបមានដូចខាងក្រោម៖
១/ កម្លាំងនគរបាលខេត្តបន្ទាយមានជ័យ៖ ករណីរក្សាទុក ១ករណី ឃាត់មនុស្សម្នាក់ , ករណីប្រើប្រាស់ ១ករណី ឃាត់មនុស្ស ២នាក់ ស្រីម្នាក់ ចាប់យកថ្នាំញៀន(ម៉ាទឹកកក)ស្មេីនិង ៣,៩៣ក្រាម។
២ / កម្លាំងនគរបាលខេត្តកំពង់ចាម៖ ជួញដូរ ១ករណី ឃាត់មនុស្ស ២នាក់ ,ប្រើប្រាស់ ១ករណី ឃាត់មនុស្ស ១៦នាក់ និងអនុវត្តន៍ដីកា ១ករណី ឃាត់មនុស្សម្នាក់ ចាប់យកថ្នាំញៀន (ម៉ាទឹកកក)ស្មេីនិង ៤៧,៧៤ក្រាម។
៣ / កម្លាំងនគរបាលខេត្តកំពង់ឆ្នាំង៖ ជួញដូរ ១ករណី ឃាត់មនុស្សម្នាក់, ចាត់ចែង ១ករណី ឃាត់មនុស្ស ២នាក់ ,បើកបរក្រោមឥល្ឋពល ១ករណី ឃាត់មនុស្ស ២នាក់ និងប្រើប្រាស់ ១ករណី ឃាត់មនុស្សម្នាក់។
៤ / កម្លាំងនគរបាលខេត្តកំពង់ស្ពឺ៖ ជួញដូរ ១ករណី ឃាត់មនុស្សម្នាក់ និងអនុវត្តន៍ដីកា ១ករណី ឃាត់មនុស្សម្នាក់ និងចាប់យកថ្នាំញៀន(ម៉ាទឹកកក)ស្មេីនិង ២០,០ក្រាម។
៥ / កម្លាំងនគរបាលខេត្តកំពង់ធំ៖ ជួញដូរ ១ករណី ឃាត់មនុស្សម្នាក់ ចាប់យកថ្នាំញៀន(ម៉ាទឹកកក) ៤កញ្ចប់តូច។
៦ / កម្លាំងនគរបាលខេត្តក្រចេះ៖ រក្សាទុក ១ករណី ឃាត់មនុស្សម្នាក់ ចាប់យកថ្នាំញៀន(ម៉ាទឹកកក)១កញ្ចប់តូច។
៧ / កម្លាំងនគរបាលខេត្តមណ្ឌលគិរី៖ ជួញដូរ ១ករណី ឃាត់មនុស្ស ៤នាក់ ចាប់យកថ្នាំញៀន(ម៉ាទឹកកក) ០,៨៨ក្រាម។
៨ / កម្លាំងនគរបាលខេត្តព្រះវិហារ៖ ជួញដូរ ១ករណី ឃាត់មនុស្ស ២នាក់ ចាប់យកថ្នាំញៀន(ម៉ាទឹកកក) ១កញ្ចប់តូច។
៩ / កម្លាំងនគរបាលខេត្តព្រៃវែង៖ ជួញដូរ ១ករណី ឃាត់មនុស្សម្នាក់ ចាប់ថ្នាំញៀន(ម៉ាទឹកកក)ស្មេីនិង ១៥,១៦ក្រាម។
១០ / កម្លាំងនគរបាលខេត្តពោធិ៍សាត់៖ ជួញដូរ ១ករណី ឃាត់ស្រ្តីម្នាក់ ចាប់យកថ្នាំញៀន(ម៉ាទឹកកក)ស្មេីនិង ៥,២៧ក្រាម។
១១ / កម្លាំងនគរបាលខេត្តសៀមរាប៖ ប្រើប្រាស់ ១ករណី ឃាត់មនុស្ស១០នាក់។
១២ / កម្លាំងនគរបាលខេត្តព្រះសីហនុ៖ ជួញដូរ ១ករណី ឃាត់មនុស្សម្នាក់ ចាប់ថ្នាំញៀន(ម៉ាទឹកកក)ស្មេីនិង ០,១៤ក្រាម៕
ដោយ៖ស តារា(រូបភាព៖ ឯកសារ)
