សារព័ត៌មាន នគរវត្ត តែងតែនាំមុខគេជានិច្ច
ខ្សែការពារក្រុម Salernitanaកីឡាករ Pasquale Mazzocchi ត្រូវបានអុីតាលីកោះហៅជាលើកដំបូងក្នុងក្រុមដែលមាន២៩នាក់សម្រាប់ការប្រកួត Nations League ជាមួយអង់គ្លេស និងហុងគ្រីក្នុងខែនេះ។
Ivan Provedel របស់ Lazio និង Guglielmo Vicario របស់ Empoliក៏អាចបង្ហាញខ្លួនជាលើកដំបូងសម្រាប់អុីតាលីក្រោមការដឹកនាំរបស់លោកRoberto Mancini ក្នុងការប្រកួត៣ចុងក្រោយក្នុងពូល២ របស់ពួកគេក្នុង League A ។
ខ្សែការពារស្លាប Udinese វ័យ១៩ឆ្នាំ Destiny Udogie ដែលបានស៊ុតបញ្ចូលទីបាន២ គ្រាប់ក្នុង៥ប្រកួតសម្រាប់ក្រុមដ៏គួរឱ្យភ្ញាក់ផ្អើលនៃក្របខ័ណ្ឌ Serie A រដូវកាលនេះ មិនមានឈ្មោះនៅក្នុងក្រុមជម្រើសជាតិអុីតាលីនោះទេ។
អុីតាលីឈរលេខ៣ក្នុងពូល៣ មាន៥ពិន្ទុ តាមពីក្រោយហុងគ្រី និងអាល្លឺម៉ង់ ខណៈអង់គ្លេសស្ថិតនៅបាតតារាងដោយមាន២ពិន្ទុ។ អុីតាលីនឹងធ្វើជាម្ចាស់ផ្ទះទទួលក្រុមអង់គ្លេសនៅថ្ងៃទី២៣ ខែកញ្ញានៅទីក្រុង Milan មុនពេលធ្វើដំណើរទៅទីក្រុង Budapest ដើម្បីជួបហុងគ្រីនៅថ្ងៃទី២៦ខែកញ្ញាខាងមុខ។
ខាងក្រោមនេះគឺជាបញ្ជីឈ្មោះកីឡាករជម្រើសជាតិអុីតាលីសម្រាប់ការប្រកួត Nations League ក្នុងខែកញ្ញានេះ៖
អ្នកចាំទី៖ Gianluigi Donnarumma (Paris St Germain), Alex Meret(Napoli), Ivan Provedel (Lazio), Guglielmo Vicario (Empoli)។
ខ្សែការពារ៖ Francesco Acerbi (Inter), Alessandro Bastoni (Inter), Leonardo Bonucci (Juventus), Giovanni Di Lorenzo (Napoli), Federico Dimarco (Inter), Emerson Palmieri (West Ham), Federico Gatti (Juventus), Luiz Felipe (Real Betis), Pasquale Mazzocchi (Salernitana), Rafael Toloi (Atalanta)។
ខ្សែបម្រើ៖ Nicolo Barella (Inter), Bryan Cristante (Roma), Jorginho (Chelsea), Lorenzo Pellegrini (Roma), Tommaso Pobega (Milan), Sandro Tonali (Milan), Marco Verratti (Paris St Germain)។
ខ្សែប្រយុទ្ធ៖ Matteo Cancellieri (Lazio), Wilfried Gnonto (Leeds), Vincenzo Grifo (Friburgo), Ciro Immobile (Lazio), Matteo Politano (Napoli), Giacomo Raspadori (Napoli), Gianluca Scamacca (West Ham), Alessio Zerbin (Napoli) ៕
ដោយ៖ ភារៈ(រូបភាព៖ Reuters/CNA)
