សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ មានការភ្ញាក់ផ្អើលទាំងព្រឹកដល់អ្នកភូមិរាយការណ៍ទៅសមត្ថកិច្ចមូលដ្ឋាន ខណៈដែលគាត់ប្រទះឃើញកាំភ្លើងអាកា១ដើមរុំទៃពណ៌ខៀវ ពេលគាត់ដើរទៅរកទំពាំងឫស្សីយកទៅស្លពេលថ្ងៃ។
ហេតុការណ៍ប្រទះឃើញកាំភ្លើងអាកានេះកើតឡើងកាលពីវេលាម៉ោង៨ព្រឹកថ្ងៃទី១៨ ខែកញ្ញា ឆ្នាំ២០២២នៅចំណុចភូមិចាស់ស្ថិតនៅក្នុងភូមិជ្រុងពពេល ឃុំម្រាម ស្រុករមាសហែក។
បើតាមប្រជាពលរដ្ឋឈ្មោះ កែវ អូន ភេទស្រី អាយុ៦៦ឆ្នាំ រស់នៅភូមិជ្រុងពពេល ឃុំម្រាម ស្រុករមាសហែក បានរាយការណ៍ប្រាប់សមត្ថកិច្ចថា គាត់ឃ្លានសម្លទំពាំងទើបដើទៅររកជីកទំពាំងឫស្សីយកទៅស្លពេលថ្ងៃ។ ខណៈគាត់កំពុងដើររកទំពាំងស្រាប់តែប្រទះឃើញកាំភ្លើងអាកាមួយដើមរុំទៃពណ៌ខៀវទើបរាយការណ៍មកសមត្ថកិច្ចតែម្តង។
ក្រោយមកកម្លាំងសមត្ថកិច្ចបានទៅដល់ចំណុចភូមិចាស់ស្ថិតនៅក្នុងភូមិជ្រុងពពេល ឃុំម្រាម ហើយបានពិនិត្យឃើញថា ជាកាំភ្លើងAKស្វាយបត់១ដើម(រលុបលេខ)បង់ចំនួន១និងមានគ្រាប់ចំនួន៨គ្រាប់បានយកមករក្សាទុកនៅប៉ុស្តិ៍រដ្ឋបាលឃុំម្រាមផងដែរ៕
ដោយ៖ សុថាន
