សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ: ថ្ងៃនេះគឺជាថ្ងៃបុណ្យភ្ជុំបិណ្ឌឬភ្ជុំធំ ដែលជាថ្ងៃកាន់បិណ្ឌចុងក្រោយ នៃពិធីបុណ្យភ្ជុំបិណ្ឌរយៈពេល ១៥ ថ្ងៃ។
ចាប់ពីថ្ងៃ១រោច ដល់ថ្ងៃ ១៥រោច ខែភទ្របទ ត្រូវនឹងថ្ងៃទី១១ ដល់ថ្ងៃទី២៥ ខែកញ្ញា ឆ្នាំ២០២២នេះ បងប្អូនពុទ្ឋបរិស័ទបានអញ្ជើញធ្វើបុណ្យទានដោយសុទ្ឋាជ្រះថ្លា សប្បាយរីករាយជាទីបំផុតនៅទូទាំងប្រទេសក្រោមម្លប់ សុខសន្តិភាពនិងការអភិវឌ្ឍឥតឈប់ឈររបស់សង្គមជាតិយើង។
ភ្ជុំបិណ្ឌមិនត្រឹមជាឱកាសធ្វើបុណ្យទាននោះទេ តែជាពេលវេលាអោយយើងបានជួបជុំក្រុមគ្រួសារ ញាតិមិត្តជិតឆ្ងាយ នៅតាមស្រុក ភូមិកំណើតរៀងៗខ្លួន។ នៅពេលនេះនៅតាមផ្ទះ តាមភូមិមានការជួបជុំប្រកបដោយក្តីសប្បាយរីករាយ ហើយប្រជាពលរដ្ឋខ្លះទៀត ក៏បានចាប់ផ្ដើមធ្វើដំណើរកម្សាន្តទៅកាន់តំបន់ទេសចរណ៍ផ្សេងៗ ។
សូមឱ្យការធ្វើដំណើរទៅទីជិតឆ្ងាយរបស់បងប្អូន កូនក្មួយ ទាំងអស់ទទួលបាននូវសុខសុវត្ថិភាព គោរពច្បាប់ចរាចរណ៍ គ្រប់ៗគ្នា និងចេះយល់អធ្យាស្រ័យអោយគ្នាទៅវិញទៅមក ព្រមទាំងត្រូវបន្តយកចិត្តទុក ដាក់ថែរក្សា ការពារសុខភាពគ្រប់ពេលវេលា។
សូមប្រគេនពរនិងជូនពរព្រះថេរានុត្ថេរៈគ្រប់ព្រះអង្គ និងបងប្អូនជនរួមជាតិ បានប្រកបដោយពុទ្ធពរទាំងបួន ប្រការ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ផងដែរ៕
ដោយ៖ សិលា
