នគរបាលស្រុកស្រីសន្ធរសហការជាមួយកម្លាំងផ្នែកសឹករងស្រុក និងកម្លាំងប្រជាការពារចុះជួយរុះរើផ្ទះប្រជាពលរដ្ឋដែលរងគ្រោះ ប្រឈមការបាក់ច្រាំងទន្លេ

ខេត្តកំពង់ចាម ៖ នៅព្រឹកថ្ងៃសៅរ៍ ១១រោច ខែកត្តិក ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៩ ខែវិច្ឆិកា ឆ្នាំ២០២២ លោកវរសេនីយ៍ឯក ប៉ាក ជាតិ អធិការនគរបាលស្រុកស្រី សន្ធរ បានចាត់កម្លាំងប៉ុស្តិ៍នគរបាលរដ្ឋបាលផ្ទះកណ្តាល សហការជាមួយកម្លាំងផ្នែកសឹករងស្រុក និងកម្លាំងប្រជាការពារឃុំផ្ទះកណ្តាល ចុះជួយរុះរើផ្ទះប្រជាពលរដ្ឋដែលរងគ្រោះ ប្រឈមការបាក់ច្រាំងទន្លេ ចំនួន ៤ខ្នងផ្ទះគឺ

១-ផ្ទះឈ្មោះ ជិន ប៊ុនសុង ភេទប្រុស  អាយុ៦១ឆ្នាំ ទំហំ ១០ម៉ែត្រ ×១០ម៉ែត្រ ធ្វើអំពីឈើ ប្រក់ក្បឿង (ផ្ទះខ្ពស់)

២-ផ្ទះឈ្មោះ ទ្រី រិន ភេទប្រុស អាយុ ៥៥ឆ្នាំ ទំហំ៧ម៉ែត្រ ×៤ម៉ែត្រ ធ្វើអំពីឈើប្រក់ក្បឿង (ផ្ទះខ្ពស់)

៣-ផ្ទះឈ្មោះ ពេញ នី  ភេទប្រុស  អាយុ ៥៦ឆ្នាំ ទំហំ៧ម៉ែត្រ x ៨ម៉ែត្រ ធ្វើអំពីឈើ ប្រក់ក្បឿង (ផ្ទះខ្ពស់) 

៤-ផ្ទះឈ្មោះ ឆាវ ដារាំ ភេទប្រុស  អាយុ ៤៦ឆ្នាំ ទំហំ ៥ម៉ែត្រ × ៦ម៉ែត្រ ធ្វើអំពីឈើ ប្រក់ក្បឿង (ផ្ទះខ្ពស់)

នៅចំណុចព្រុំប្រទល់រវាងភូមិផ្ទះកណ្តាលក្រោម និងភូមិផ្ទះកណ្តាលលើ ឃុំផ្ទះកណ្តាល ស្រុកស្រីសន្ធរ ៕

ដោយ៖ វណ្ណៈ