បិទបញ្ចប់ការស្រាវជ្រាវករណីជួញដូរគ្រឿងញៀនជិត ១តោន នៅខេត្តព្រះសីហនុ ក្រោយឃាត់ខ្លួនក្រុមឧក្រិដ្ឋជនចិន ,តៃវ៉ាន់ និងខ្មែរចំនួន ១០នាក់

ចែករំលែក៖

ខេត្តព្រះសីហនុ ៖ ក្រុមឧក្រិដ្ឋជនចិន ចិនតៃវ៉ាន់ និងខ្មែរសរុបចំនួន ១០នាក់ ពាក់ព័ន្ធករណីជួញដូរគ្រឿងញៀនទ្រង់ទ្រាយធំ នៅខេត្តព្រះសីហនុ ត្រូវបានកម្លាំងនគរបាលជំនាញ បិទបញ្ចប់ការស្រាវជ្រាវករណីនេះ ក្រោយធ្វើការបង្រ្កាបនិងឃាត់ខ្លួនពួកគេយកមកសាកសួរ និងបញ្ជូនខ្លួនព្រមទាំងគ្រឿងញៀនជិត ៩០០គីឡូក្រាម ទៅកាន់សាលាដំបូងខេត្តព្រះសីហនុ នៅថ្ងៃទី២១ ខែធ្នូ ឆ្នាំ២០២២នេះ ដេីម្បីចាត់ការតាមច្បាប់។

គួររម្លឹកថា កម្លាំងជំនាញបានបេីកប្រតិបត្តិការបង្ក្រាបករណីជួញដូរគ្រឿងញៀនដ៏ធំមួយ កាលពីរសៀលថ្ងៃទី១១ ខែធ្នូ ឆ្នាំ២០២២នៅចំណុចឃ្លាំងជួលមួយកន្លែង ស្ថិតនៅក្រុម៩ ភូមិ២ សង្កាត់លេខ១ ក្រុងព្រះសីហនុ។

ប្រភពដដែលបន្តថា ក្រុមឧក្រិដ្ឋជនទាំង១០នាក់ ក្នុងនោះមានជនជាតិចិនចំនួន ៦នាក់, តៃវ៉ាន់ម្នាក់ និងខ្មែរ៣នាក់ ទី១៖ ឈ្មោះ ZHOU JING BIN អាយុ៤៣ឆ្នាំ មុខរបរមិនពិតប្រាកដ ស្នាក់នៅសណ្ឋាគារ ហានហៃ ស្ថិតក្នុងភូមិ១ សង្កាត់លេខ៣ ក្រុង-ខេត្ដព្រះសីហនុ ។ ទី២៖ ឈ្មោះ CAI JIAN FONG អាយុ២៩ឆ្នាំ កាន់លិខិតឆ្លងដែនលេខ 353141470 ស្នាក់នៅមិនពិតប្រាកដ ។ ទី៣៖ ឈ្មោះ YE LICHI អាយុ៣៣ឆ្នាំ ស្នាក់នៅក្រុងប៉ោយប៉ែត។ ទី៤៖ ឈ្មោះ WANG JIAN អាយុ៣៦ឆ្នាំ មុខរបរកសិករ ស្នាក់នៅអគារខុនដូ ស្ថិតក្នុងភូមិ២ សង្កាត់លេខ២ ក្រុង-ខេត្តព្រះសីហនុ។ ទី៥៖ ឈ្មោះ ព្រឹម រាជ អាយុ៣១ឆ្នាំ មុខរបររត់តាក់ស៊ី ស្នាក់នៅមិនពិតប្រាកដ ។ ទី៦៖ ឈ្មោះ ចាន់ រតនា អាយុ៣០ឆ្នាំ ស្នាក់នៅក្រុងបាវិត ។ ទី៧៖ ឈ្មោះ LI PENG FEI អាយុ២៤ឆ្នាំ លិខិតឆ្លងដែនលេខEE26558 74 ស្នាក់នៅក្រុងបាវិត។ ទី៨៖ ឈ្មោះ LIU YANG អាយុ៣០ឆ្នាំ មុខរបរមិនពិតប្រាកដ ស្នាក់នៅអគារខុនដូ ស្ថិតក្នុងភូមិ៥ សង្កាត់៤ ក្រុង-ខេត្តព្រះសីហនុ។ ទី៩៖ ឈ្មោះ ZHAO BING FEI អាយុ២៩ឆ្នាំ មុខរបរមិនពិតប្រាកដ ស្នាក់នៅអគារខុនដូ ស្ថិតក្នុងភូមិ៥ សង្កាត់៤ ក្រុង-ខេត្តព្រះសីហនុ។ និងទី១០៖ ឈ្មោះ ពោធិ បញ្ញា ហៅ ចៅ អាយុ៣១ឆ្នាំ មានទីលំនៅមុខក្លឹប LVចាស់ ស្ថិតនៅភូមិ៤ សង្កាត់៤ ក្រុង-ខេត្តព្រះសីហនុ។

ចំណែកវត្ថុតាងចាប់យកពីជនសង្ស័យ រួមមាន៖ សារធាតុញៀន (កេតាមីន) ទម្ងន់សរុប១,១៣៣គីឡូ ៧៨៩,១១ក្រាម, តម្រុយសារធាតុញៀន (MDMA) ទម្ងន់សរុប ២គីឡូ ៥៩៧.៨ក្រាម) ,សារធាតុគីមី សរុបទម្ងន់១០គីឡូ ៣៥៨ក្រាម ,សារធាតុគីមីផ្សំ ទម្ងន់ ៥០០ក្រាម ,សារធាតុគីមី ទម្ងន់ ៤២០ក្រាម ,សារធាតុគីមីមិនច្បាស់ ទម្ងន់ ៤៤៨ក្រាម ,ម្សៅក្រាមសថ្លា ទម្ងន់ ៧,២៤ក្រាម (មេតាហ្វេតាមីន) ,ម្សៅគ្រាប់ពណ៌ទឹកក្រូច (WY) ទម្ងន់ ៣,៤៨ក្រាម (មេតំហ្វេតាមីន),ម្សៅពណ៌ស្វាយ (MDMA) ទម្ងន់ ៣៨១,២៨ក្រាម,ម៉ូតូ ចំនួន២គ្រឿង។

ដោយឡែករថយន្ត ចំនួន០៨គ្រឿង ម៉ាក FORD ពណ៌ស ពាក់ផ្លាកលេខ 2BF-7484, TUNDRA ពណ៌ស ពាក់ស្លាកលេខភ្នំពេញ 2BJ-8429, TUNDRA ពណ៌ទឹកមាស ពាក់ស្លាកកលេខភ្នំពេញ 2BR-8706, TUNDRA ពណ៌ខ្មៅ ពាក់ស្លាកលេខ ភ្នំពេញ 2AQ-1313, TUNDRA ពណ៌ស ពាក់ស្លាកលេខភ្នំពេញ 2BP-7818, ម៉ាក LEXUS RX300 ពណ៌ស ពាក់ស្លាកលេខកំពង់ធំ 2A-4216, ម៉ាក LEXUS CT200H ពណ៌ស ពាក់ស្លាកលេខ ភ្នំពេញ 2BL-1872 និងម៉ាក HIGHLANDER ពណ៌ទឹកមាស ពាក់ស្លាកលេខ ភ្នំពេញ 2AK-9067។

បច្ចុប្បន្នជនសង្ស័យទាំង១០នាក់នេះ ត្រូវបានបញ្ជូនខ្លួនទៅកាន់សាលាដំបូងខេត្តព្រះសីហនុ ដេីម្បីចាត់ការតាមច្បាប់៕