សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តព្រូសបេីកលឿនជ្រុលបុកជាមួយរថយន្តឡិចស៊ីសត្រង់ផ្លូវបំបែកជាបួនបណ្តាលឲ្យរងការខូចខាតយ៉ាងដំណំ។
ហេតុការណ៍នេះបានកេីតឡេីងកាលពីវេលាម៉ោង១១និង៣០យប់ថ្ងៃទី២១ ខែធ្នូ ឆ្នាំ២០២២នៅតាមបណ្តោយផ្លូវលេខ៣១៧កែងផ្លូវ៥៩២ ស្ថិតក្នុង សង្កាត់បឹងកក់២ ខណ្ឌទួលគោក។
តាមប្រភពព័ត៌មានបានឲ្យដឹងថាមុនពេលកេីតហេតុគេបានឃេីញរថយន្តម៉ាកឡិចស៊ីស LM300h ពណ៌ខ្មៅពាក់ស្លាកលេខភ្នំពេញBT9983 ធ្វេីដំណេីរតាមបណ្តោយផ្លូវលេខ៣១៧ ក្នុងទិសដៅពីលិចទៅកេីតខណៈមកដល់ចំណុចកេីតហេតុបានបុកជាមួយរថយន្តម៉ាកព្រូស ពណ៌ទឹកប្រាក់ ពាក់ស្លាកលេខភ្នំពេញ2BS 0157 ធ្វេីដំណេីរតាមបណ្តោយផ្លូវលេខ៥៩២ ក្នុងទិសដៅពីត្បូងទៅជេីង បណ្តាលឲ្យរងការខូចខាតទាំងសងខាងយ៉ាងដំណំ។
ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុធ្វេីការសម្របសម្រួលគ្នា ភាគីទាំងសងខាងក៏ព្រមយករថយន្តទៅជួសជុលដោយខ្លួនឯងរៀងខ្លួនបញ្ចប់រឿងនៅកន្លែងកេីតហេតុ៕
ដោយ ៖ សុខាសែនជ័យ
