🔴នាយករដ្ឋបាលស្រុកបសេដ្ឋ ខូចមែនយកដីរដ្ឋលក់ឱ្យឈ្មួញ កំពុងស្ថិតក្នុងការស៊ើបអង្កេត ដោយអង្គភាព ប្រឆាំងអំពើពុករលួយ

ខេត្តកំពង់ស្ពឺ ៖ អង្គភាព​ប្រឆាំង​អំពើ​ពុករលួយ​ ផ្ញើ​លិខិត​ជូន​ អភិបាល​ស្រុក​បសេដ្ឋ​ ខេត្ត​កំពង់​ស្ពឺ​ ឱ្យផ្អាក​សកម្មភាព​ប្រមូលទិញដី​របស់​លោក​ ស៉ិន​ សារុន​ នាយក​រដ្ឋ​បាល​ស្រុក​ ជូនទៅឈ្មួញស្រីម្នាក់​ព្រោះជា​សកម្មភាពខុសច្បាប់។

សូមបញ្ជាក់ថា, ក្នុងកម្មវត្ថុ : អង្គភាព​ប្រឆាំង​អំពើ​ពុករលួយ សូមផ្អាកសកម្មភាពអនុញ្ញាតឱ្យលោកស្រី វង់ ឈើរិនតិអានសាយណាវ ក្នុងការប្រមូលទិញដីដោយខុសច្បាប់ ដោយមានលោក ស៊ិន សារុន នាយករដ្ឋបាល ជាអ្នករៀបចំយកដីរបស់រដ្ឋក្រោមការគ្រប់គ្រងរបស់ មន្ទីរបរិស្ថានខេត្តលក់ឱ្យឈ្មួញ។

– សុំឱ្យ លោក ស៊ិន សារុន នាយករដ្ឋបាល ដែលបានចម្លងដៃម៉ារីនបើកទំនប់ទឹកពីឆ្នាំ យាមទំនប់ ហើយ ដំណើរការបើកទឹកពង្រឹងបង្វាតទឹកក្នុងទំនប់ដើម្បីធ្វើការវាស់វែងយកដីលក់ បញ្ឈប់សកម្មភាពនេះ និង ប្រគល់ដៃម៉ារីនចម្លងនេះមកសាលាស្រុកបសេដ្ឋ រក្សាទុក។

ដូចបញ្ជាក់ខាងលើនេះ អង្គភាពប្រឆាំងអំពើពុករលួយ (អ.ប.ព.) សុំឱ្យ លោកអភិបាល ចាត់ចែងចំពោះមុខនេះ ដើម្បីបញ្ចប់នូវសកម្មភាពទាំងពីរខាងលើនេះជាបន្ទាន់ ព្រោះទង្វើរនេះបានប៉ះពាល់យ៉ាងខ្លាំងដល់ការស៊ើបអង្កេតរបស់ អ.ប.ព. ក្នុងករណីនោះ ។

ក្នុងករណីលោកអភិបាលស្រុកមិនព្រមបញ្ឈប់នូវសកម្មភាពទាំង២នេះ ឬសកម្មភាពទាំង២នេះនៅតែ បន្ត អនុវត្តតាមមាត្រា២៦ (បុព្វសិទ្ធពិសេសរបស់ អ.ប.ព.) នៃច្បាប់ស្ដីពីការប្រឆាំងអំពើពុករលួយ ខ្ញុំនឹងស្នើអាជ្ញាធរ ឋានានុក្រមពាក់ព័ន្ធឱ្យផ្អាកជាបណ្តោះអាសន្ននូវមុខងាររបស់លោកអភិបាលស្រុក ៕

ដោយ ៖ សិលា