សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ដោយមានការបញ្ជាផ្ទាល់ពីលោក ហែម ដារិទ្ធិ អភិបាលខណ្ឌមានជ័យ កម្លាំងចម្រុះ នៃគណៈបញ្ជាការឯកភាពខណ្ឌមានជ័យ ដឹកនាំដោយលោកសេង គន្ធ អភិបាលរងខណ្ឌ បានបើកការចុះបង្ក្រាបទីតាំងបើកជល់មាន់តាមប្រព័ន្ធ អនឡាយមួយកន្លែង ស្ថិតតាមបណ្តោយផ្លូវបេតុង ក្នុងភូមិសន្សំកុសល៦ សង្កាត់បឹងទំពន់ទី១ ខណ្ឌមានជ័យ កាលពីវេលាម៉ោង១៤ និង១០នាទី ថ្ងៃទី១៩ ខែមករា ឆ្នាំ២០២៣នេះ ។
ក្នុងប្រតិបត្តិការការចុះបង្ក្រាបនេះ ជាលទ្ធិផលកម្លាំងចម្រុះ នៃគណៈបញ្ចាការឯកភាពខណ្ឌបានធ្វើការឃាត់ខ្លួនមនុស្សសរុប០៩នាក់ ក្នុងនោះមានបុរស០៧នាក់ជាអ្នកលេង និងមនុស្សស្រី០២នាក់ ជាអ្នកមើលការខុសត្រូវទីតាំង ។
ចំណែកវត្ថុតាងដកហូតបានរួមមាន ៖ ម៉ូតូចំនួន០៦គ្រឿង , កង់០៩គ្រឿង , កុំព្យូទ័រ០២គ្រឿង , ម៉ាស៊ីនម៉ូនីទ័រ០១គ្រឿង និងសម្ភារពាក់ព័ន្ធមួយចំនួនទៀតផងដែរ ។
ក្រោយការឃាត់ខ្លួនមនុស្សប្រុសស្រីទាំង០៩នាក់ និងដកហូតវត្ថុតាងខាងលេីរួចរាល់ កម្លាំងគណៈបញ្ចាការឯកភាពខណ្ឌមានជ័យ បានដឹកតាមរថយន្តយកទៅកាន់ប៉ុស្តិ៍នគរបាលរដ្ឋបាលបឹងទំពន់ទី១ ដើម្បីសាកសួរនាំបន្តចាត់ការតាមច្បាប់ ៕
ដោយ៖ភារ៉ា ដង្កោ
