សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្រសួងបរិស្ថាន នៅព្រឹកពុធទី២២ ខែកុម្ភៈ ឆ្នាំ២០២៣នេះ បានឱ្យដឹងថា យោងតាមការដកស្រង់ចេញពីសៀវភៅមគ្គទេសក៍គ្រឿងទេសកម្ពុជា ម្កាក់ ( Hog Plum ) មានប្រភពដេីមនៅលេីកោះនៃមហាសមុទ្រប៉ាសុីហ្វិក និងអាមេរិកកណ្ដាល ហេីយត្រូវបានគេយកទៅដាំនៅស្ទេីរគ្រប់ប្រទេសដែលមានសីតុណ្ហភាពក្ដៅ។
ក្រសួងបរិស្ថាន បានឱ្យដឹងទៀតថា ចំពោះការប្រេីប្រាស់ ស្លឹកខ្ចីៗធ្វេីជាម្ជូរសម្រាប់ស្ល ផ្លែខ្ចី និងទុំអាចបរិភោគបាន សំបកប្រេីជាថ្នាំព្យាបាលជំងឺរាកមួល។
សូមជម្រាបជូនថា កាលពីពេលថ្មីៗនេះ ក្រសួងបរិស្ថាន ក៏បានបង្ហាញពីផ្លែព្រីងបាយ ឬព្រីងដោះក្របី៖ មានប្រភពដេីមនៅទ្វីបអាសុី និងអូស្ត្រាលីដែលមានសីតុណ្ហភាពក្ដៅ ហេីយត្រូវបានគេយកទៅដាំនៅទ្វីបអាហ្រិក និងអាមេរិក។
ចំពោះការប្រេីប្រាស់ គេនិយមដាំព្រីងបាយនេះ ដេីម្បីយកផ្លែទុំធ្វេីចំណី។ គ្រូឱសថបុរាណប្រេីស្លឹក សំបក និងដេីមកាត់កង់ៗ ស្ងោរសម្រាប់ព្យាបាលជំងឺទឹកនោមផ្អែម។
ជាមួយគ្នានោះ ក្រសួងបានឱ្យដឹងដែរថា៖ ស្ដៅ ( Neem ) មានប្រភពដេីម នៅប្រទេសកម្ពុជា ថៃ លាវ បង់ក្លាដេស និងឥណ្ឌា ។ នៅកម្ពុជាមានពីរប្រភេទមួយស្លឹកឆែក និងមួយទៀតស្លឹកមិនមានឆែកទេ។
ចំពោះការប្រេីប្រាស់ ស្លឹក និងផ្កាខ្ចីៗ ធ្វេីជាបន្លែអន្លក់ ស្លឹកចាស់ធ្វេីជាថ្នាំបញ្ជុះកម្ដៅ សំបកស្ងោព្យាបាលដំបៅខ្ទុះ នៅឥណ្ឌាគ្រាប់គេយកធ្វេីថ្នាំការពារមិនឱ្យមានកូន៕
ដោយ៖សហការី
