សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ ជនសង្ស័យម្នាក់ត្រូវកម្លាំងនៃអធិការដ្ឋាននគរបាលក្រុងបាត់ដំបងឃាត់ខ្លួនករណីលួចយកទ្រព្យសម្បត្តិអ្នកដទៃ។
លោកវរសេនីយ៍ឯក ពេជ្រ សារ៉ែន អធិការនគរបាលក្រុងបាត់ដំបង បានអោយដឹងថា ការឃាត់ខ្លួនជនសង្ស័យខាងលើនេះនៅវេលាម៉ោង ០០និង៣០នាទី រំលងអធ្រាត្រឈានចូលថ្ងៃទី០២ ខែឧសភា ឆ្នាំ២០២៣ នៅចំណុចក្រុមទី៣៣ ភូមិ១៣មករា សង្កាត់ព្រែកព្រះស្ដេច ក្រុងបាត់ដំបង។
ជនសង័្សយម្នាក់ឈ្មោះ មាស សុភាព ភេទប្រុស អាយុ ៣៩ឆ្នាំ មានទីលំនៅភូមិព្រែកឫស្សី ឃុំកោះស្ពៅ ស្រុកពាមជោរ ខេត្តព្រៃវែង រួមជាមួយនិងវត្ថុតាង-ប្រាក់រៀលចំនួន ៥០០.០០០រៀល (ហាសិបម៉ឺនរៀល) -ខ្សែកកាឡៃ ចំនួន០១ខ្សែ និងចិញ្ចៀនកាឡៃ ចំនួន០១វង់។
ដោយជនសង័្សយខាងលើបានធ្វើសកម្មភាពលួចយកប្រាក់របស់ជនរងគ្រោះឈ្មោះ យីន សៀវម៉ី ភេទស្រី អាយុ២៥ឆ្នាំ មានទីលំនៅភូមិ១៣មករា សង្កាត់ព្រែកព្រះស្ដេច ក្រុងបាត់ដំបង ហើយផ្តើមពីបញ្ហានេះជនរងគ្រោះបានរាយការណ៍ដល់សមត្ថកិច្ចចុះស្រាវជ្រាវរហូតឈានឃាត់ខ្លួនជនសង័្សយខាងលើតែម្តង។
ក្រោយពីឃាត់ខ្លួនជនសង្ស័យខាងលើត្រូវបានសមត្ថកិច្ចរៀបចំកសាងសំណុំរឿងបញ្ជូនមកផែនជំនាញដើម្បីអនុវត្តតាមច្បាប់៕
ដោយ៖ ចន្ទ លីហ្សា
