សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សូមកោតសរសើរ និងអបអរសាទរ ចំពោះកីឡាការិនីកម្ពុជា ប៉ាល់ ឆរស្មុី ដែលក្នុងព្រឹត្តិការណ៍ស៊ីហ្គេម ២០២៣ នេះ ដណ្ដើមបានមេដាយមាស ៤គ្រឿង ,ប្រាក់ ១គ្រឿង ,សំរឹទ្ធ ១គ្រឿង សម្រាប់ការប្រកួតកីឡាវ៉ូវីណាម។
ប្រជាពលរដ្ឋ ជនរួមជាតិ សូមជូនពរកីឡាករ កីឡាការិនីកម្ពុជាទទួលបានមេដាយអោយបានច្រើនបន្ថែមទៀត។
សូមបញ្ជាក់ថា, ថ្ងៃទី០៩ ខែឧសភា ឆ្នាំ២០២៣ កីឡាការនី ប៉ាល់ ឆរស្មី ឈ្នះមេដាយមាស ក្នុងព្រឹត្តិការណ៍កីឡាអាស៊ីអាគ្នេយ៍ (ស៊ីហ្គេម) លើកទី៣២ ឆ្នាំ ២០២៣ ក្នុងប្រភេទកីឡាវ៉ូវីណាម លេីវិញ្ញាសាមេគុនកំបិតភ្លោះ ធ្វេីឡេីងនៅមជ្ឈមណ្ឌលពិព័រណ៍អន្តរជាតិជ្រោយចង្វារ (OCIC) ជាមួយសំឡេង អបអរសាទរយ៉ាងខ្លាំង ពីភាពជោគជ័យដ៏ធំធេងនេះ សម្រាប់ជាតិ។
ចំពោះវីរនារីដ៏អស្ចារ្យរបស់ជម្រើសជាតិកម្ពុជា ២រូប ផ្សេងទៀត ក៏សាងប្រវត្តិសាស្ត្រ យកមេដាយមាស ជូន ជាតិដល់ទៅ ៩ គ្រឿង ❤️👍 គឺ កីឡាការិនីកម្ពុជា ពៅ សុខា និងសឿ ច័ន្ទលក្ខិណា ឈ្នះមេដាយមាសក្នុងព្រឹត្តិការណ៍កីឡាអាស៊ីអាគ្នេយ៍ លើកទី៣២ ឆ្នាំ២០២៣ ក្នុងប្រភេទកីឡាវ៉ូវីណាម លេីវិញ្ញាសាមេគុនដាវ នារី២នាក់ ដែលនាំឱ្យម្ចាស់ផ្ទះឈ្នះលើប្រភេទកីឡានេះដល់ ៩មេដាយមាស ៕
ដោយ ៖ សិលា
