សារព័ត៌មាន នគរវត្ត តែងតែនាំមុខគេជានិច្ច
ទីភ្នាក់ងារព័ត៌មានប៊ីប៊ីស៊ី ផ្សាយមុននេះបន្តិចថា ខ្យល់ព្យុះ Debbie ដែលមានល្បឿងខ្លាំង គឺ២៥០គីឡូម៉ែត្រក្នុងមួយម៉ោងបាននិងកំពុងវាយប្រហារចូលទៅកាន់ដែនកោះលំហែអូស្ត្រាលី ខណៈដែលព្យុះនេះបក់បោកទៅកាន់ឈូងសមុទ្រ Queensland នោះ ។
នៅថ្ងៃអង្គារនេះ មនុស្សរាប់ពាន់នាក់បានភៀសខ្លួនរួចជាស្រេចហើយទៅកាន់ទីដែលមានសុវត្ថិភាព ។ ខ្យល់ព្យុះ Debbie ជាប្រភេទខ្យល់ព្យុះទីបួន ។
អាជ្ញាធរអូស្ត្រាលីបញ្ជាក់ថា ខ្យល់ព្យុះនេះមានកម្លាំងបំផ្លាញយ៉ាងអាក្រក់បំផុត បន្ទាប់ពីខ្យល់ព្យុះ Yasi កាលពីឆ្នាំ២០១១ ។
នាយករដ្ឋមន្ត្រីអូស្ត្រាលី លោក Malcolm Turnbull អំពាវនាវពលរដ្ឋភៀសខ្លួនចេញពីផ្ទះសម្បែងភ្លាម ទៅកាន់ទីមានសុវត្ថិភាព ៕
